MILANG KALA KA 73 KAMERDÉKAAN RI TAUN 2018 TINGKAT KOTA SUKABUMI DIEUSI KU RUPA-RUPA KAGIATAN

Reporter / Redaktur : ENDANG SUMARDI

Sakumaha anu dijelaskeun ku Panjabat Sekertaris Daérah Kota Sukabumi salaku Pupuhu Panata Calagara, Drs. H. Saléh Makbullah, M.Si., Milang Kala Ka 73 Kamerdékaan RI Taun 2018 Tingkat Kota Sukabumi dieusi ku rupa-rupa kagiatan. Diantarana Tanggal 10 Agustus 2018, Silaturahmi jeung Riung Mungpulung katut para Inohong Pajoang Parintis Kamerdékaan, di Gedong Juang 45 Kota Sukabumi, sarta Silaturahmi jeung Méré Arahan ka Capaska (Calon Paqngibar Bandéra Pusaka) Kota Sukabumi Taun 2018, di Wisma Bhayangkara Kota Sukabumi.

Saterusna Tanggal 13 Agustus 2018, Panganugrahan Tanda Kahormatan Satya Lancana Karya Satya ka para PNS di lingkungan Pamaréntah Kota Sukabumi, sarta Pangajén ka Anggota Polres Sukabumi Kota jeung para Palajar anu ngabogaan prestasi, di Gedong Juang 45 Kota Sukabumi, Tanggal 15 Agustus 2018, Upacara Pangukuhan Paskibraka (Pasukan Pangibar Bandéra Pusaka) Tingkat Kota Sukabumi Taun 2018, di Gedong Juang 45 Kota Sukabumi, sarta Palipetan Duplikat Bandéra Pusaka ku Paskibraka Kota Sukabumi Taun 2018, di Balé Kota Sukabumi.

Sedengkeun Tanggal 16 Agustus 2018, Rapat Paripurna Istiméwa DPRD Kota Sukabumi, nya éta ngareungeukeun Pidato Kanagaraan Persidén RI dina Sidang Babarengan jeung DPR katut DPD RI, dina raraga  Milang Kala Ka 73 Kamerdékaan RI Taun 2018 ngaliwatan siaran télévisi, di Rohangan Rapat Paripurna DPRD Kota Sukabumi, jeung Upacara Taptu di hareupeun Balé Kota Sukabumi, sarta Apél Kahormatan jeung Renungan Suci, di TMP (Taman Makam Pahlawan) Suryakencana Kota Sukabumi.

Salajuna Tanggal 17 Agustus 2016, Upacara Pamasrahan SK (Surat Kaputusan) Mentri Hukum jeung HAM (Hak Asasi Manusa) RI, ngeunaan Remisi Umum atawa Pangurangan Mangsa Hukuman ka para Nara Pidana jeung Anak Pidana anu nyumponan pasaratan luyu jeung katangtuan aturan katut undang-undang anu ditetepkeun, di Lapas (Lembaga Pamasarakatan) Kelas II B Nyomplong Sukabumi, sarta Upacara Puncak Milang Kala Ka 73 Kamerdékaan RI Taun 2018 Tingkat Kota Sukabumi, di Lapangan Merdéka Kota Sukabumi, diteruskeun soréna Gelar Senja jeung Upacara Panurunan Bandéra Mérah Putih Tingkat Kota Sukabumi Taun 2018, sarta Silaturahmi jeung Tasakur Bi Nikmat Milang Kala Ka 73 Kamerdékaan RI Taun 2018 Tingkat Kota Sukabumi, di Gedong Juang 45 Kota Sukabumi.

Ěta kagiatan téh diluuhan ku Pingpinan katut Anggota DPRD Kota Sukabumi, Kapala Setukpa Lemdiklat Polri Sukabumi, unsur FKPD (Forum Koordinasi Pingpinan Daérah) Kota Sukabumi, Komandan Sub Denpom Sukabumi, Komandan Yonif 310 Kidang Kancana, Komandan Yon Armed 13 Nanggala Kostrad, para Asistén Daérah Setda Kota Sukabumi, para Kapala OPD (Organisasi Parangkat Daérah) jeung Instansi Vértikal, para mantén Wali Kota katut Wakil Wali Kota Sukabumi, para Sesepuh, Alim Ulama, Inohong Masarakat, para Parintis jeung Pajoang Kemerdékaan, para Pupuhu Organisasi Kajoangan, Kamasarakatan, Pemuda jeung Wanoja, sarta para tamu ondangan lianna.

Leave a Reply