WALI KOTA SUKABUMI MILU RAKER CITYNÉT INDONÉSIA TAUN 2018

Reporter / Redaktur : ENDANG SUMARDI

Wali Kota Sukabumi, H. Achmad Fahmi dibarengan ku Kapala Bagian Paékonomian, Pangwangunan jeung Gawé Bareng Daérah Setda Kota Sukabumi, Rahmat Sukandar, S.Si., M.T., M.Sc., milu Raker (Rapat Kerja) Citynét Indonésia Tahun 2018, anu dibuka sacara resmi ku Bupati Sidoarjo, H. Saiful Ilah, salaku Persidén Citynét Indonésia, cindekna tanggal 5 Novémber 2018, di Hotél Sari Pasific Jakarta, sarta diiluan ku 24 kabupatén jeung kota anu jadi Anggota Citynét Indonésia.

Ěta Raker téh ngabahas 6 point utama anu geus diputuskeun dina Konggrés Citynét Indonésia taun tukang, cindekna tanggal 3 Oktober 2017, di Balikpapan. Sedengkeun ka 6 éta point utama téh, nya éta ngaronjatkeun gawé bareng jeung para pamangku kapentingan, boh lokal jeung nasional boh global. Salajuna ngaronjatkeun capacity building ngaliwatan gawé bareng jeung para pamangku kapentingan, muka hub office di Jakarta, muka puseur pangbardayaan komunitas, jeung ngusulkeun sacara tinulis ka Kementrian Dalem Negri ngeunaan kodeu rékening balanja iuran.

Anapon maksud jeung tujuan dilaksanakeunnana éta Raker téh, sakumaha anu dijelaskeun ku Bupati Sidoarjo, diantarana pikeun ngarumuskeun ideu atawa gagasan anu dibutuhkeun, dina raraga ngarojong panyalagaraan pangwangunan sakaligus méré jalan kaluar anu hadé kana sagala rupa masalah pamaréntahan di masing-masing kabupatén jeung kota nu jadi Anggota Citynét Indonésia. Salian ti éta, Bupati Sidoarjo meredih ka sakumna kabupatén jeung kota nu jadi Anggota Citynét Indonésia, sangkan salawasna usaha  satékah polah mromosikeun satiap kagiatan citynét di wewengkonna masing-masing, supaya Anggota Citynét Indonésia téh bisa nambahan, sarta bisa ngaronjatkeun gawé bareng antara kabupatén jeung kota, boh di jero boh di luar nagri.

Sedengkeun Wakil Walikota Sukabumi ngajelaskeun, Citynét Indonésia téh ngarupakeun sala sahiji wahana kagiatan anu ngabogaan jejaring atawa nétworking, antara anggota citynét jeung staké holders, pikeun silih tukar bést practices atawa pangalaman kahasilan masing-masing kota jeung kabupatén. Maksud jeung tujuannana, nya éta pikeun méré panguatan ka kota jeung kabupatén, dina raraga ngaronjatkeun kapasitas pangwangunan anu terus-terusan jeung ngabogaan wawasan lingkungan, pikeun kasajahtraan masarakat. Disagigireun ti éta, ogé nyadiakeun béwara anu rélevan, nyalagarakeun risét pabandingan jeung méré kasempetan silih tukeur béwara.

Anapon ruang lingkup kagiatan anu dilaksanakeun citynét téh, diantarana capacity building mangrupa kagiatan palayanan jeung konsultasi, palatihan téknis, seminar jeung workshop, boh sacara nasional boh internasional, sarta program oriéntasi jeung diskusi, studi banding jeung panalitian, katut program silih tukeur pangalaman jeung béwara, hususna dina ngalaksanakeun pangalolaan pangwangunan.

Leave a Reply