WALI KOTA SUKABUMI NEPIKEUN INOVASI PALAYANANAN KA MASARAKAT DINA MAYAR PKB

Reporter/Redaktur/Editor : ENDANG SUMARDI

Wali Kota Sukabumi, H. Achmad Fahmi, nepikeun Preséntasi Kinerja Peamaréntah Kota Sukabumi, sarta sajumlah inovasi palayananan jeung kagampangan masarakat dina mayar PKB (Pajeg Kandaraan Bermotor) di Kota Sukabumi. Ěta preséntasi jeung sajumlah inovasi téh, ditepikeun dina pangajénan tahap ahir atawa final Anugrah PKB Tingkat Provinsi Jawa Barat Taun 2019, cindekna tanggal 7 Agustus 2019, di Ball Room Trans Luxury Hotél, Jalan Gatot Subroto, Kota Bandung.

Dina kasempetan éta, Wali Kota Sukabumi kalayan asmana Kapala Daérah katut Pamaréntah Kota Sukabumi, nepikeun pangajén anu saluhur-luhurna ka Bapenda (Badan Pendapatan Daérah) Provinsi Jawa Barat, anu salawasna jeung sacara rutin satiap taun ngalaksanakeun pangajénan Anugrah PKB Tingkat Provinsi Jawa Barat.

Salian ti éta, Wali Kota Sukabumi ogé ngucap sukur, lantaran Kota Sukabumi asup 10 besar Kota jeung Kabupatén sa Jawa Barat, dina pangajénan tahap ahir atawa final Anugrah PKB Tingkat Provinsi Jawa Barat Taun 2019 ieu.

Dina éta pangajénan téh, Wali Kota Sukabumi nepikeun sajumlah inovasi jeung palayanan dina mayar PKB, anu geus ditepikeun ka déwan juri. Anapon sajumlah éta inovasi téh, diantarana inovasi paningkatan jeung kagampangan palayanan ka masarakat dina mayar PKB.

Salajuna dijelaskeun, ku sajumlah éta inovasi téh, jumlah masarakat nu baroga kandaraan bermotor di Kota Sukabumi anu mayar PKB, dina saban taunna terus ngaronjat anu kacida luhurna, boh pikeun kandaraan roda dua boh pikeun kandaraan roda opat, sarta bisa jadi pangdorong kana ngaronjatna PKB di Kota Sukabumi.

Disagigireun ti éta, Wali Kota Sukabumi ogé neda pangrojong jeung do’a ka sakumna SKPD (Satuan Kerja Parangkat Daérah) katut instansi nu aya kaitannana, sarta ka sakumna lapisan masarakat Kota Sukabumi, supaya Kota Sukabumi bisa asup kana réngking utama, dina ajang Anugrah PKB Tingkat Provinsi Jawa Barat Taun 2019.

Leave a Reply