PANGÉLING-NGÉLING POĚ KAMERDÉKAAN RI TINGKAT KOTA SUKABUMI DIEUSI KU RUPA-RUPA KAGIATAN

Reporter/Redaktur/Editor : ENDANG SUMARDI

Sekertaris Daérah Kota Sukabumi salaku Pupuhu Panata Calagara Tetep Pangéling-ngéling Kamerdékaan RI Tingkat Kota Sukabumi, Drs. H. Dida Sembada, M.M. ngajelaskeun, Pangéling-ngéling Ka 74 Poé Kamerdékaan RI Taun 2019 Tingkat Kota Sukabumi, dieusi ku rupa-rupa kagiatan.

Nya éta Tanggal 12 Agustus 2019, Silaturahmi jeung Riung Mungpulung katut para Inohong Pajoang Perintis Kamerdékaan, Véteran, Angkatan 45, Wrédatama jeung Organisasi Kajoangan sa Kota Sukabumi, di Gedong Juang 45 Kota Sukabumi, Tanggal 15 Agustus 2019, Panganugrahan Tanda Kahormatan Satya Lancana Karya Satya ti Persidén jeung Layang Pangajén ka ASN (Aparatur Sipil Nagara) katut ka masarakat Kota Sukabumi anu ngabogaan prestasi, di Gedong Juang 45 Kota Sukabumi, sarta peutingna Upacara Pangukuhan Paskibraka (Pasukan Pangibar Bendéra Pusaka) Taun 2019 Tingkat Kota Sukabumi, di Gedong Juang 45 Kota Sukabumi, jeung Palipetan Duplikat Bendéra Pusaka ku Paskibraka Kota Sukabumi, di Balé Kota Sukabumi.

Sateruna Tanggal 16 Agustus 2019, Rapat Paripurna Istiméwa DPRD Kota Sukabumi, di Rohangan Rapat Paripurna DPRD Kota Sukabumi, ngareungeukeun Pidato Kanagaraan Persidén RI, dina raraga miéling ka 74 Kamerdékaan RI Taun 2019, dina Sidang Bareng DPR RI jeung DPD RI, ngaliwatan siaran télévisi, sarta peutingna Upacara Taptu di hareupeun Balé Kota Sukabumi, diteruskeun Ngarak Obor nguriling Kota Sukabumi, katut Apél Kahormatan jeung Renungan Suci, di TMP (Taman Makam Pahlawan) Suryakencana Kota Sukabumi.

Salajuna Tanggal 17 Agustus 2019, Upacara Pamasrahan Remisi Kamerdékaan ka para Narapidana jeung Anak Pidana anu nyumponan pasaratan, luyu jeung katangtuan katut paraturan jeung undang-undang anu ditetepkeun, di Lapas (Lembaga Pemasarakatan) Kelas II B Nyomplong Sukabumi, sarta Upacara Puncak Pangéling-ngéling Ka 74 Kamerdékaan RI Taun 2019 Tingkat Kota Sukabumi, di Lapangan Merdéka Kota Sukabumi, diteruskeun soréna acara Gelar Senja jeung Upacara Panurunan Bendéra Merah Putih, di Lapangan Merdéka Kota Sukabumi, sarta peutingna Silaturahmi jeung Tasakur Bi Nimat Pangéling-ngéling Kemerdekaan RI Tingkat Kota Sukabumi, di Gedong Juang 45 Kota Sukabumi.

Leave a Reply