UPACARA TINGKAT INSTANSIONAL DI KOTA SUKABUMI DILAKSANAKEUN SACARA BARENG

Reporter/Redaktur/Editor : ENDANG SUMARDI

Upacara Pangibaran Bendéra Mérah Putih Pangéling-ngéling Ka 74 Kamerdékaan RI Taun 2019 Tingkat Instansional, 17 Agustus 2019, di Kota Sukabumi dilaksanakeun sacara bareng, anu dimimitian ti pukul 7 isuk nepi ka réngsé. Diantarana di Setda Kota Sukabumi, Kacamatan, Dines, Badan, BUMN jeung BUMD, sarta Pausahaan Swasta, Instansi, Lembaga, Paguron Luhur jeung Sakola.

Anapon nu jadi Inspéktur Upacara di Setda Kota Sukabumi, nya éta Sekertaris Daérah Kota Sukabumi, Drs. H. Dida Sembada, M.M., Cadangan Inspéktur Upacara, Asistén Pamaréntahan Setda Kota Sukabumi, Drs. H. Andri Setiawan, M.M., Perwira Upacara, Kapala Bagian Kauangan jeung Kapagawéan Setda Kota Sukabumi, M. Achrijadin, S.Sos., M.Si., jeung Komandan Upacara, Kasubbag Pangadaan Bagian Palengkepan jeung Rumah Jabatan Setda Kota Sukabumi, Diwan Permana, S.STP.

Saterusna nu mingpin Ngaheningkeun Cipta, Inspéktur Upacara, nu Maca Naskah Pancasila, Kapala Bagian Hukum Setda Kota Sukabumi, Ěén Rukmini, S.H., M.H., nu Maca Naskah Pangbukaan Undang-Undang Dasar 1945, Kapala Bagian Ortala (Organisasi jeung Tata Laksana) Setda Kota Sukabumi, Diar Ruswidjanarko, ATD., M.Ěng.M., nu Maca Naskah Proklamasi Kamerdékaan RI, Inspektur Upacara, nu Ngibarkeun Bendéra Merah Putih ti PPI (Purna Paskibraka Indonésia) Kota Sukabumi, sarta Satuan Musik, Marching Gema Swara Kota Sukabumi.

Sedengkeun pamilon upacara, ngawengku ti para Kapala Dines, Kapala Badan, para Asistén Setda Kota Sukabumi, para Kapala Bagian, para Sekertaris, para Kabid, Kasubbag, Kasi jeung Palaksana di lingkungan Setda Kota Sukabumi, kaasup Diskominfo (Dines Komunikasi jeung Informatika), Dispusip (Dines Perpustakaan jeung Kaarsipan), BPKD (Badan Pangalolaan Kauangan Daérah), BKPSDM (Badan Kapagawéan jeung Pangembangan Sumber Daya Manusa), katut Inspéktorat Kota Sukabumi.

Saréngséna upacara, diteruskeun pamasrahan Duplikat Bendéra Pusaka, ku Sekertaris Daérah Kota Sukabumi ka Pasukan Satpol PP (Satuan Polisi Pamong Praja) Kota Sukabumi, anu saterusna dibawa ka Lapangan Merdéka Kota Sukabumi, pikeun dikibarkeun ku Paskibraka (Pasukan Pangibar Bendéra Pusaka) Kota Sukabumi, nya éta dina Upacara Pangéling-ngéling Ka 74 Poé Kamerdékaan RI Taun 2019 Tingkat Kota Sukabumi.

Leave a Reply