UPACARA PANGÉLING-NGÉLING KA 74 POÉ KAMERDÉKAAN RI LUMANGSUNG LANCAR JEUNG HIDMAT

Reporter : ARIF HIDAYAT

Redaktur/Editor : ENDANG SUMARDI

Upacara Pangéling-ngéling Ka 74 Poé Kamerdékaan RI Taun 2019 Tingkat Kota Sukabumi, 17 Agustus 2019, anu dilaksanakeun di Lapangan Merdéka Kota Sukabumi, lumangsung lancar jeung hidmat. Sedengkeun nu jadi Inspéktur Upacara, Wali Kota Sukabumi, H. Achmad Fahmi, katut Cadangan Inspéktur Upacara, Wakil Wali Kota Sukabumi, H. Andri S. Hamami, S.H., M.H.

Saterusna Patugas Pangibar Duplikat Bendéra Pusaka Mérah Putih, Paskibraka (Pasukan Pangibar Bendéra Pusaka) Kota Sukabumi Taun 2019 jeung Paswalbraka (Pasukan Pangawal Pangibar Bendéra Pusaka), sarta Satuan Musik, Marching Band Gema Swara Kota Sukabumi.

Anapon pamilon upacara, ngawengku ti Gabungan Perwira TNI jeung Polri, para Camat jeung Lurah, Kodim 0607 Kota Sukabumi, Yonif 310 Kidang Kancana, Yon Arméd 13 Nanggala Kostrad, Setukpa Lemdiklat Polri Sukabumi, Polres Sukabumi Kota, Dines Pahubungan, Sat Pol PP, Korpri, PGRI, PPI (Purna Paskbraka Indonésia), OKP (Organisasi Kapamudaan), Mahasiswa, Palajar, Pramuka jeung PMR.

Éta upacara téh, dieusi ku Ngaheningkeun Cipta miéling jasa-jasa para Pahlawan dipingpin ku Inspéktur Upacara, Pamacaan Naskah Pancasila ku Kapala Kajaksaan Negri Sukabumi, Ganora Zarina, S.H.,M.M., Pamacaan Naskah Pangbukaan Undang-Undang Dasar 1945 ku Kapolres Sukabumi Kota, AKBP Susatyo Purnomo Condro, S.H., S.I.K., M.Si., Pamacaan Naskah Proklamasi Kamerdékaan RI ku Ketua DPRD Kota Sukabumi, Yunus Suhandi, S.IP., jeung panekenan tombol sirineu miéling detik-detik Kamerdékaan RI ku Inspéktur Upacara salila samenit, dipirig ku rupa-rupa soara tatabeuhan jeung tembakan salto ku Pasukan TNI.

Sedengkeun soréna dilaksanakeun Gelar Senja, anu dieusi ku rupa-rupa pintonan kamonésan, boh tradisi boh modéren, sarta Upacara Panurunan Duplikat Bendéra Pusaka Mérah Putih ku Paskibraka jeung Paswalbraka. Anapon nu jadi Inspéktur Upacara, Wakil Wali Kota Sukabumi, H. Andri S. Hamami, S.H., M.H., katut Cadangan Inspéktur Upacara, Wali Kota Sukabumi, H. Achmad Fahmi.

Salajuna peutingna dilaksanakan Silaturahmi jeung Tasakur Bi Nikmat, di Gedong Juang 45 Kota Sukabumi, ti pukul 7 peuting nepi ka réngsé, sarta direuah-reuah ku rupa-rupa pintonan kasenian, boh tradisi boh modéren.

Leave a Reply