SEKERTARIS DAÉRAH KOTA SUKABUMI NGUKUHKEUN KAPANGURUSAN DWP KOTA SUKABUMI

Reporter/Redaktur/Editor : ENDANG SUMARDI

Sekertaris Daérah Kota Sukabumi, Drs. H. Dida Sembada, M.M., sacara resmi ngukuhkeun Kapangurusan DWP (Dharma Wanita Pasatuan) Kota Sukabumi, cindekna tanggal 27 Agustus 2019, di Rohangan Pasamoan Setda Kota Sukabumi. Hadir dina kasempetan éta, Ketua TP PKK Kota Sukabumi, Hj. Fitri Hayati Fahmi, S.Ag., M.M.Pd., sakaligus nyematkeun PIN DWP ka Ketua DWP Kota Sukabumi, Hj. Sufiani Dida Sembada.

Salian ti éta, ogé hadir Wakil Ketua TP PKK Kota Sukabumi, Éva Siti Rahmatillah, Ketua DWP Kabupatén Sukabumi, jajaran Pangurus Persit Kartika Candra Kirana Kodim 0607 Kota Sukabumi, Bhayangkari Polres Sukabumi Kota, GOW (Gabungan Organisasi Wanita) Kota Sukabumi, jeung para tamu ondangan liainna.

Dina kasempetan éta, Sekertaris Daérah Kota Sukabumi ngaharepkeun ka sakumna réngréngan Pangurus DWP Kota Sukabumi, sangkan salawasana usaha satékah polah ngawujudkeun program kerja katut visi jeung misi DWP. Anu teu éléh penting, DWP sabagé Wadah Ngumpul Istri PNS (Pagawé Negri Sipil), ngabogaan kawajiban nyukséskan tujuan nasional, nya éta ngawujudkeun masarakat anu adil jeung mamur sacara rata jeung terus-terusan, nya éta antara material jeung spiritual.

Disagigireun ti éta, ogé kudu salawasna ngabogaan tékad sakaligus ngarojong usaha ngahontal Visi Pangwangunan Kota Sukabumi, nya éta Ngawujudna Kota Sukabumi Sabagé Puseur Palayanan anu ngabogaan ajén hadé dina Widang Atikan, Kaséhatan jeung Padagangan di Jawa Barat, anu didadasaran ku Iman jeung Taqwa; sartaVisi Wali Kota katut Wakil Wali Kota Sukabumi, nya éta Ngawujudna Kota Sukabumi anu Réligieus, Ayem jeung Sajahtra.

Sedengkeun Ketua DWP Kota Sukabumi, Hj. Sufiani Dida Sembada ngajelaskeun, pihakna katut sakumna réngréngan Pangurus DWP Kota Sukabumi, baris salawasna usaha satékah polah ngawujudkeun sakumna program kerja jeung Visi DWP, nya éta Ngajadikeun Organisasi Istri PNS anu Kuat, Ngahiji jeung Mandiri, sarta Misi DWP Kota Sukabumi, nya éta Ngasajahtrakeun Anggota ngaliwatan widang Atikan, Ékonomi jeung Sosial Budaya sacara Démokratis, kaasup Visi Pangwangunan Kota Sukabumi sarta Visi Wali Kota katut Wakil Wali Kota Sukabumi.

Leave a Reply