WALI KOTA SUKABUMI NGALAKSANAKEUN SHOLAT JUMA’AHAN NGURILING DI MASJID AL-MUNAWIR

Reporter : ARIF HIDAYAT

Redaktur/Editor : ENDANG SUMARDI

Wali Kota Sukabumi, H. Achmad Fahmi,  ngalaksanakeun Sholat Juma’ahan Nguriling di Masjid Jami Al-Munawir Perum Griya Sukabumi, Kalurahan Cisarua, Kacamatan Cikolé, Kota Sukabumi, cindekna tanggal 6 Séptémber 2019. Salian ti Wali Kota Sukabumi, ogé Sekertaris Daérah Kota Sukabumi,  Drs. H. Dida Sembada, M.M., para Asistén Setda Kota Sukabumi, para Kapala OPD (Organisasi Parangkat Daérah), Camat jeung Lurah, katut alim ulama, sarta inohong jeung masarakat lianna.

Dina biantarana Wali Kota Sukabumi nandeskeun, yén Sholat Juma’ah Nguriling téh ngarupakan bagian tina program Pamaréntah Kota Sukabumi, dina raraga ngaronjatkeun silaturahmi jeung sakumna inohong katut masarakat Kota Sukabumi. Lian ti éta, ogé ngalaksanakeun sosialisasi jeung nepikeun rupa-rupa béwara, sakaligus nampung sagala rupa bangbaluh jeung saran ti masarakat, sangkan sagala rupa pasualan anu timbul di masarakat bisa sagancangna diungkulan.

Salajuna Wali Kota Sukabumi ngajelaskeun rupa-rupa program Pamaréntah Kota Sukabumi, diantarana program kaagamaan, nya éta Sholat Juma’ahan Nguriling jeung Sholat Subuh Barjama’ah dina satiap Juma’ah Subuh di Masjid Agung Kota Sukabumi. Disagédéngeun ti éta ogé program kaséhatan, diantarana Rumah Singgah di Bandung, Klinik Sore jeung Home Care.

Saterusna Wali Kota Sukabumi cumeluk sakaligus meredih ka sakumna masarakat, sangkan ngurangan runtah palastik jeung runtah lianna. Lantaran TPA (Tempat Pamiceunan Ahir) Runtah Cikundul Kota Sukabumi, dina ahir taun 2019 dikira-kira geus moal bisa deui nampung runtah, lantaran lahanna geus pinuh. Disagigireun ti éta, dina usum katiga atawa halodo anu masih kénéh lumangsung, kudu ngirit cai jeung teu ngaduruk runtah, sabab bisa nimbulkeun kahuruan.

Dina kasempetan éta, Wali Kota Sukabumi masrahkeun bantuan sarana kaagamaan ka Ketua DKM (Déwan Kamamuran Masjid) Al-Munawir Perum Griya Sukabumi, Kalurahan Cisarua.

Leave a Reply