WAKIL WALI KOTA MASRAHKEUN SÉRTIFIKAT TANAH ASÉT PAMARÉNTAH KOTA SUKABUMI

Reporter/Redaktur/Editor : ENDANG SUMARDI

Wakil Wali Kota Sukabumi, H. Andri S. Hamami, S.H., M.H., salaku Inspéktur Upacara dina Upacara Pangéling-ngéling Hantaru (Hari Agraria jeung Tata Rohang) Nasional Ka 59 Tingkat Kota Sukabumi Taun 2019, cindekna tanggal 24 Séptémber 2019, di Buruan ATR BPN (Agraria jeung Tata Rohang Badan Patanahan Nasional) Kantor Kota Sukabumi, nyeumatkeun Tanda Kahormatan Satya Lancana Karya Satya ka pagawé ATR BPN Kantor Kota Sukbumi jeung masrahkeun Sértifikat Tanah asét Pamaréntah Kota Sukabumi.

Dina kasempetan éta, Wakil Wali Kota Sukabumi nepikeun biantara Mentri ATR BPN, Sofyan A. Djalil, diantarana ngajelaskeun, Pangéling-ngéling Hantaru Nasional Ka 59 Taun 2019 ngangkat téma ATR BPN Nuju Tata Rohang jeung Palayanan Patanahan anu ngabogaan Kapastian Hukum jeung Modéren. Ieu téma téh diharepkeun bisa jadi pangéling-ngéling jeung panghudang sumanget, dina ngaronjatkeun ajén palayanan patanahan jeung tata rohang sacara modéren sarta ngajamin kapastian hukum.

Salajuna Mentri ATR BPN kalayan asmana pribadi jeung pamaréntah, kacida ngajénna ka sakumna réngréngannana, anu geus ngalaksanakeun tugas sacara hadé jeung optimal, anu panustrungannana bisa ngahontal targét Program Strategis Nasional utamana PTSL (Pandaptaran Tanah Sistematis Lengkep). Disagigireun ti éta, réformasi agrarian, panghangkeutan tata rohang, pangayaan tanah, pangadalian rohang jeung dina ngungkulan sengkéta patanahan ogé ngarandapan kamajuan anu kacida ngagumbirakeunnana.

Salajuna dijelaskeun, pikeun ngahangkeutkeun jeung ngagancangkeun palayanan ka masarakat sacara nembrak, Kamentrian ATR BPN ngagulirkeun program transformasi digital, nya éta palayanan patanahan bisa diaksés ku masarakat sacara éléktronik di mana waé jeung iraha waé, anu pamustungannana jadi éféktif, éfisién jeung transparan. Leuwih jauh dijelaskeun, dina danget ieu aya opat layanan éléktronik anu bisa diaksés, nya éta Hak Tanggungan, Layanan Informasi, Zona Ajén Tanah, sarta Surat Katerangan Pandaptaran Tanah jeung Informasi Widang Tanah.

Sedengkeun Kapala ATR BPN Kantor Kota Sukabumi, ngajelaskeun data umum patanahan jeung lega wewengkon Kota Sukabumi, nya éta 4.847 héktar, anu sumebar di 7 kacamatan jeung 33 kalurahan sarta 355 RW jeung 1.550 RT. Anapon widang tanah anu kadaptar réana 89.005 widang, jeung widang tanah anu kapetakeun réana 85.784 widang. Saterusna ngeunaan PTSL jeung Sértifikat Wakaf, masih aya lahan anu can kasértifikasi kaasup tanah asét Pamaréntah Kota Sukabumi, sarta ditargétkeun dina taun 2020 kudu bisa diréngsékeun.

Leave a Reply