WALI KOTA SUKABUMI NGALUNCURKEUN PALAYANAN AKTEU KAMATIAN JEMPUT BOLA

Reporter/Redaktur/Editor : ENDANG SUMARDI

Wali Kota Sukabumi, H. Achmad Fahmi, dibarengan ku Kapala Disdukcapil (Dines Kapadumukan jeung Panyatetan Sipil) Kota Sukabumi, Iskandar, S.IP., M.T., ngaluncurkeun Palayanan Akteu Kamatian Jemput Bola, réngsé dina jangka waktu sapoé, ngaliwatan Palayanan Kemboja Sari Disdukcapil Kota Sukabumi, di Operation Room Setda Kota Sukabumi, anyar-anyar ieu, anu ditandaan ku mencét tombol Aplikasi Kemboja Sari.

Wali Kota Sukabumi ngajelaskeun, éta aplikasi téh ngarupakeun aplikasi palayanan akteu kamatian online, sarta dokumén akteu kamatian anu geus réngsé dicitak, baris dikirimkeun atawa dipasrahkeun langsung ka masarakat anu nyieun akteu kamatian. Diluncurkeunnana ieu inovasi aplikasi téh, pikeun ngagampangkeun jeung ngahangkeutkeun palayanan dokumén kapadumukan hususna akteu kamatian sacara online. Ku ayana éta hal téh, Wali Kota Sukabumi ngucapkeun rasa syukur, sabab Kota Sukabumi jadi kota pang aktipna ngalaksanakeun kagiatan jeung nyieun dokumén kapadumukan, utamana akteu kamatian sacara gampang jeung gancang.

Salajuna dijelaskeun, akteu kamatian téh sabagé sala sahiji dokumén kapadumukan anu kacida pentingna. Ku lantaran kitu, Wali Kota Sukabumi ngaharepkeun, ku ayana Aplikasi Kemboja Sari Disdukcapil Kota Sukabumi téh, bisa ngarojong kana kahontalna data kapadumukan di Kota Sukabumi. Ku sabab kitu, ieu inovasi téh kudu terus dirojong jeung dibantu ku sakumna pihak.

Lian ti éta ogé dijelaskeun, dumasar kana data anu dikumpulkeun ti DKB (Data Konsolidasi Bersih), data jumlah padumuk Kota Sukabumi Seméster Hiji Taun 2019 anu geus dibersihkeun ku Kamentrian Dalem Negri RI nya éta réana 348.131 jiwa, ngawengku lalaki 175 rébu 44 jiwa jeung wanoja 173.087 jiwa.

Sedengkeun ngeunaan panerbitan KK (Kartuh Kulawarga) di Kota Sukabumi, nya éta réana 104.381 jiwa geus ngabogaan KK atawa réana 98,54 peresén tina jumlah 105.927 Kapala Kulawarga. Salajuna KTP-él (Kartuh Tanda Padumuk élékronik), tina 245.288 wajib KTP, anu geus ngabogaan KTP-él réana 243.070 jiwa atawa réana 99 peresén. Saterusna panerbitan Kutipan Akteu Kalahiran pikeun budak umur 0 nepi ka 18 taun, sajumlah 119.941 jiwa geus ngabogaan Akteu Kalahiran atawa réana 96,25 peresén tina 115.447 jiwa. (Sumber Bagian Humas dan Protokol Setda Kota Sukabumi).

Leave a Reply