BIMTĚK JEUNG NYARUAKEUN PĚRSĚPSI PANYALAGARAAN PANGAYAAN BARANG JEUNG JASA

Reporter/Redaktur/Editor : ENDANG SUMARDI

Bimték (Bimbingan Téknis) jeung nyaruakeun Pérsépsi Panyalagaraan Pangayaan Barang jeung Jasa, pikeun nyaruakeun pérsépsi antara paraturan anyar ti Kamentrian Pekerjaan Umum jeung Perumahan Rahayat katut Paraturan Persidén anu geus aya, sarta pikeun nyaruakeun pérsépsi sangkan pangayaan barang jeung jasa dina taun 2020 nu bakal datang, bisa lumangsung sacara hadé jeung ngabogaan ajén.

Ěta hal téh ditepikeun ku Sekertaris Daérah Kota Sukabumi, Drs. H. Dida Sembada, M.M., dina palaksanaan éta Bimték, hususna nu aya kaitannna jeung pangalolaan kagiatan katut proyék pangwangunan, cindekna tanggal 18 Novémber 2019, di Hotél Horison Kota Sukabumi. Ěta Bimték téh diiluan ku para kawasa pangguna anggaran ti satiap SKPD (Satuan Kerja Parangkat Daérah) di lingkungan Pamaréntah Kota Sukabumi.

Lian ti éta ogé dijelaskeun, ieu Bimték téh jadi sarana évaluasi kagiatan jeung proyék pangwangunan anu dilaksanakeun dina taun 2019, sarta pikeun nyaruakeun pérsépsi dina ngalaksanakeun parancanaan jeung panyusunan kagiatan katut proyék pangangunan taun 2020 nu bakal datang, supaya bisa leuwih hadé jeung waktuna tepat.

Saterusna dijelaskeun, sakumna parancanaan kagiatan jeung proyék pangwangunan teu meunang aya nu telat atawa gagal, boh kagiatan Pamaréntah Puseur boh kagiatan Pamaréntah Provinsi Jawa Barat. Lantaran sanggeus dilaksanakeun évaluasi, aya nu teu kaserep. Ngan husus pikeun kagiatan jeung proyék pangwangunan anu diwaragadan ku APBD Kota Sukabumi mah bisa kaserep sagemblengna.

Sedengkeun Kapala BPBJ (Bagian Pangadaan Barang jeung Jasa) Setda Kota Sukabumi, Dr. H. Fahrur Razi, AMd.LLAJ., S.IP., M.Si. ngaharepkeun, ngaliwatan ieu Bimték téh sakumna pihak hususna para kawasa pangguna anggaran ti satiap SKPD di lingkungan Pamaréntah Kota Sukabumi, bisa nyaruakeun pérsépsi. Sabab ku éta hal téh, pangayaan barang jeung jasa bisa lumangsung sacara hadé jeung lancar sarta ngabogaan ajén. Anapon nu kudu salawasna dipahatikeun ku para kawasa pangguna anggaran, nya éta dasar hukum paraturan pangayaan barang jeung jasa.

Leave a Reply