HASIL ASÉSMÉN KASIAPSIAGAAN SISTIM KOMUNIKASI BENCANA DI KOTA SUKABUMI

Reporter : ARIF HIDAYAT

Redaktur/Editor : ENDANG SUMARDI

Pangurus Palang Mérah Amérika Serikat atawa Américan Réd Cross jeung USAID (United States Agéncy for International Development) Féllowship Person dibarengan ku Pangurus PMI (Palang Mérah Indonésia) Kota Sukabumi, maparkeun hasil asésmén jeung rékoméndasi ngeunaan kasiapsiagaan sistim komunikasi bencana di Kota Sukabumi, anu lumangsung di Hotél Anugrah Kota Sukabumi, sawatara poé ka tukang.

Hadir dina kasempetan éta, Asistén Pamaréntahan Setda Kota Sukabumi, Drs. H. Andri Setiawan M.M., Aparat BPBD (Badan Pananggulangan Bencana Daérah) Kota Sukabumi, sarta Diskominfo (Dines Komunikasi jeung Informatika) Kota Sukabumi.

Dina pamaparannana anu ditepikeun ku Mike McCoy ti USAID Féllowship Person ngajelaskeun, yén rékoméndasi kasiapsiagaan bencana di Kota Sukabumi téh baris dilaporkeun ogé ka Kadutaan Amérika Serikat, sarta ka sababaraha dines jeung instansi di Kota Sukabumi. Lian ti éta ogé ngajelaskeun, Kota Sukabumi geus ngabogaan sistim jeung alat-alat komunikasi kabencanaan. Salajuna ngajelaskeun, pikeun nyalagarakeun sistim komunikasi kabencanaan, bisa ngalaksanakeun gawé bareng jeung sababaraha pihak panyalagara télékomunikasi.

Sedengkeun Asistén Pamaréntahan Setda Kota Sukabumi, Drs. H. Andri Setiawan M.M. ngajelaskeun, hasil rékomendasi ti Pangurus Palang Mérah Amérika Serikat jeung USAID Féllowship Person téh nunjukkeun, yén Kota Sukabumi kudu terus ngaronjatkeun sistim komunikasi kabencanaan.

Saterusna Ketua PMI Kota Sukabumi, drh. H. Suranto Sumowiryo ngajelaskeun, maksud jeung tujuan PMI Kota Sukabumi  ngalaksanakeun ieu kagiatan gawé bareng jeung Américan Réd Cross katut USAID Féllowship Person téh, ngarupakeun sala sahiji usaha pikeun ngurangan resiko bencana di Kota Sukabumi, diantarana bencana lini.

Leave a Reply