PAMARÉNTAH KOTA SUKABUMI TETEP USAHA NGAHANGKEUTKEUN PANGWANGUNAN

Reporter/Redaktur/Editor : ENDANG SUMARDI

Sakumaha anu ditandeskeun ku Wali Kota Sukabumi, H. Achmad Fahm, dina kawatesna SDA (Sumber Daya Alam) jeung kauangan, Pamaréntah Kota Sukabumi tetep usaha ngahangkeutkeun pangwangunan. Diantarana ku cara ngalaksanakeun kajian kana rupa-rupa skéma pangwangunan, anu dilaksanakeun babarengan jeung kalangan swasta. Panandesan éta téh ditepikeun dina Sosialisasi Kerjasama Pamaréntah-Swasta, pikeun ngaronjatkeun kinerja pangwangunan di Kota Sukabumi, anyar-anyar ieu, di Hotél Balcony Kota Sukabumi.

Dina kasempetan éta hadir Wakil Wali Kota Sukabumi, H. Andri S. Hamami, S.H., M.H., Sekertaris Daérah Kota Sukabumi, Drs. H. Dida Sembada, M.M., para Asistén Setda Kota Sukabumi, para Kapala OPD (Organisasi Parangkat Daérah) jeung instansi nu aya kaitannana, sarta para tamu ondangan lianna.

Salajuna dijelaskeun, ku kawatesna SDA, kamampuhan kauangan jeung kawatesna kawenangan, Pamaréntah Kota Sukabumi tetep hayang ngahangkeutkeun pangwangunan. Salian ti éta, ku kawatesna éta hal téh, Pamaréntah Kota Sukabumi ngarasa gedé harepan, nya éta Otda (Otonomi Daérah) bisa méré kawenangan ka Pamaréntah Kota Sukabumi, pikeun ngalaksanakeun ékplore kamampuhan kana poténsi SDA jeung sumber daya lianna, pikeun ngahangkeutkeun pangwangunan. \Di sisi séjén, Persidén nginstruksikeun ka sakumna Kapala Daérah, boh Bupati jeung Wali Kota boh Gubernur, pikeun ngahangkeutkeun pangwangunan, hususna réformasi birokrasi, inovasi atikan jeung infrastruktur.

Lian ti éta ogé dijelaskeun, ku kawatesna SDA, kamampuhan kauangan jeung kawatesna kawenangan, sakumna pihak kudu nyoba kaluar jeung nyoba skéma dina ngahangkeutkeun pangwangunan. Misalna dina injeuman daérah, ku rupa-rupa tinimbangan anu mateng jeung skéma KPBU (Kerja-sama Pamaréntah jeung Badan Usaha). Sabab ku éta hal téh, rupa-rupa program jeung kagiatan anu jadi targét katut visi jeung misi dina RPJMD (Rancana Pangwangunan Jangka Menengah Daérah), sarta jangji Wali Kota katut Wakil Wali Kota Sukabumi bisa ditindaklaju jeung diwujudkeun sacara hadé.

Leave a Reply