PAMARÉNTAH KOTA SUKABUMI NARGÉTKEUN NGARONJATNA DONGDONAN WISATAWAN

Reporter : MAMAT RAHMAT

Redaktur/Editor : ENDANG SUMARDI

Sakumaha anu ditandeskeun ku Wali Kota Sukabumi, H. Achmad Fahmi, dina taun 2020 ieu, Pamaréntah Kota Sukabumi nargétkeun tumuwuhna jeung ngaronjatna dongdonan wisatawan ka Kota Sukabumi, boh ti jero boh ti luar nagri.  Pikeun ngawujudkeun éta hal téh, sala sahijina ku ngaliwatan panyalagaraan Caléndar of Ěvent Taun 2020, anu dilaksanakeun ku komunitas, pihak swasta jeung pamaréntah.

Ěta panandesan Wali Kota Sukabumi téh, ditepikeun basa muka Rapat Pléno TPAKD (Tim Percepatan Aksés Keuangan Daérah) jeung Sinkronisasi Program Dékranasda (Déwan Karajinan Nasional Daérah) Kota Sukabumi, cindekna tanggal 15 Januari 2020. di Rohangan Pasamoan Bank BJB Cabang Kota Sukabumi.

Hadir dina kasempetan éta, Wakil Wali Kota Sukabumi, H. Andri S. Hamami, S.H., M.H., Sekertaris Daérah Kota Sukabumi, Drs. H. Dida Sembada, M.M., Kapala OJK (Otoritas Jasa Kauangan) Régional II Jawa Barat, Ketua Dékranasda Kota Sukabumi, Hj. Fitri Hayati Fahmi, S.Ag., M.M.Pd., para Kapala OPD (Organisasi Parangkat Daérah) jeung instansi nu aya kaitannana, sarta para tamu ondangan lianna.

Salian ti éta ogé nandeskeun, ku tumuwuhna jeung ngaronjatna dongdonan wisatawan ka Kota Sukabumi téh, diharepkeun ngabogaan pangaruh anu positif kana ngaronjatna paékonomian Kota Sukabumi. Sedengkeun usaha séjénna pikeun ngarojatkeun paékonomian Kota Sukabumi téh, nya éta Pamaréntah Kota Sukabumi ngalaksanakeun gawé bareng jeung sakumna pihak, diantarana jeung Dékranasda Kota Sukabumi.

Disagigireun ti éta, usaha dina ngaronjatkeun paékonomian di Kota Sukabumi téh, kudu dirojong ku ngaronjatna literasi kauangan masarakat. Salajuna Wali Kota Sukabumi ngaharepkeun ka sakumna pihak kaasup hotél, bank jeung dunya usaha, sangkan ilubiung sakaligus nyebarkeun béwara rupa-rupa kagiatan anu dicantumkeun dina Caléndar of Ěvent Taun 2020.

Leave a Reply