BIMTEK PARATURAN PANYALAGARAAN PANGAYAAN BARANG JEUNG JASA

Reporter : ARIF HIDAYAT

Redaktur/Editor : ENDANG SUMARDI

BPBJ (Bagian Pangadaan Barang jeung Jasa) Setda Kota Sukabumi,  ngalaksanakeun Bimték (Bimbingan Téknis) Paraturan Panyalagaraan Pangayaan Barang jeung Jasa pikeun para Palaku Usaha Jasa Kontruksi, anyar-anyar ieu, di Hotél Horison Kota Sukabumi. Ěta Bimték téh dibuka ku Wakil Wali Kota Sukabumi, H. Andri S. Hamami, S.H., M.H.

Dina biantarana Wakil Wali Kota Sukabumi nandeskeun, para palaku usaha jasa kontruksi kudu paham kana prosedur palaksanaan pamilihan panyadia jasa konstruksi, luyu jeung Permen (Peraturan Mentri) PUPR (Pekerjaan Umum jeung Parumahan Rahayat) Nomer 7 Taun 2019 ngeunaan Standar Padoman Pangayaan Jasa Kontruksi. Sabab éta Permen PUPR téh kudu diterapkeun dina satiap pagawéan konstruksi.

Sedengkeun Kapala BPBJ Setda Kota Sukabumi, Dr. H. Fahrurraji, A.Md.LLAJ, S.IP., M.Si. ngajelaskeun, maksud jeung tujuan dilaksanakeunnana éta Bimték téh, supaya ajén hasil palaksanaan pagawéan konstruksi tetep kajamin.

Lian ti éta ogé pikeun ngaronjatkeun pangaweruh jeung sikep para palaku usaha jasa konstruksi dina nerapkeun kaidah-kaidah K3 (Kaséhatan jeung Kasalamatan Kerja) para pagawé.

Salajuna pikeun ngaronjatkeun wawasan para pananggungjawab téknik badan usaha ngeunaan administrasi kontrak, pasiapan palaksanaan proyék, palaksanaan proyék konstruksi, manajemén logistik konstruksi, manajemén pangusahaan jeung pamiaraan paralatan K3.

Leave a Reply