WALI KOTA SUKABUMI NGISTRÉNAN 53 PAJABAT

Reporter : ARIF HIDAYAT

Redaktur/Editor : ENDANG SUMARDI

Wali Kota Sukabumi, H. Achmad Fahmi, nyumpah jeung ngistrénan 53 Pajabat di lingkungan Pamaréntah Kota Sukabumi, anu ngawengku ti 8 Pajabat Pingpinan Tinggi Pratama, 4 Pajabat Administrator, 25 Pajabat Pangawas, jeung 14 Pajabat Fungsional Kasehatan, cindekna tanggal 5 Fébruari 2020, di Gedong Juang 45 Kota Sukabumi.

Anapon ka 53 éta pajabat téh, diantarana Kapala DKP3 (Dines Katahanan Pangan, Patanian jeung Paikanan), Drs. H. Andri Setiawan, M.M., Kapala Dispusip (Dines Perpustakaan jeung Kaarsipan), Drs. H. Gabril Majid Sukarman, M.Pd., Asistén Administrasi, Iskandar, S.IP., M.T., Staf Ahli Widang Hukum, Pulitik jeung Pamaréntahan, Rudi Juhayat, S.H., Staf Ahli Widang Ékonomi, Kauangan jeung Pangwangunan, Drs. Ayép Supriatna, M.M., katut Staf Ahli Widang Kamasarakatan jeung SDM (Sumber Daya Manusa), Drs. Dudi Fathul Jawad, M.Pd.

Salajuna Kapala Dines Pendidikan jeung Kabudayaan, Nicke Siti Rahayu, S.H., M.H., Kapala Disdukcapil (Dines Kapadumukan jeung Panyatetan Sipil), Ir. Hj. Kardina Karsoédi, M.T., Camat Baros, Drs. R. Samiarto, M.Si., Camat Warudoyong, Ratna Hermayanti, S.STP., M.AP., jeung Lurah Nanggeléng, Aditya Wibawa, S.STP.

Dina biantarana Wali Kota Sukabumi ngaharepkeun, para pajabat anu diistrénan téh sangkan ngajalankeun tugas jeung amanah sahadé-hadéna, luyu jeung katangtuan aturan katut undang-undang anu ditetepkeun.

Sedengkeun ngeunaan sababaraha Jabatan Pingpinan Tinggi Pratama di SKPD (Satuan Kerja Parangkat Daérah) anu dina danget ieu masih kosong, numutkeun Wali Kota Sukabumi baris sagancangna dilaksanakeun Open Bidding, supaya éta jabatan téh bisa sagancangna dieusian.

Leave a Reply