DISKOMINFO NYALAGARAKEUN RAKOR JEUNG SOSIALISASI PANGALOLAAN APLIKASI SUPER JEUNG Ě-LAPOR

Reporter : ARIF HIDAYAT

Redaktur/Editor : ENDANG SUMARDI

Diskominfo (Dines Komunikasi jeung Informatika) Kota Sukabumi, nyalagarakeun Rakor (Rapat Kordinasi) jeung Sosialisasi Pangalolaan Aplikasi Super jeung Ě-Lapor, cindekna tanggal 19 Februari 2020, di Hotél Horison Kota Sukabumi. Hadir dina kasempetan éta, Wali Kota Sukabumi, H. Achmad Fahmi, sarta para Pajabat Panghubung Pangalola Aduan ti satiap SKPD (Satuan Kerja Parangkat Daérah). Ěta Rakor téh dibuka ku Asistén Paékonomian jeung Pangwangunan Setda Kota Sukabumi, Ir. H. Cécép Mansur, M.M., sakaligus sabagé PLT (Palaksana Tugas) Kapala Diskominfo Kota Sukabumi.

Dina biantarana, Asistén Paékonomian jeung Pangwangunan Setda Kota Sukabumi ngajelaskeun, maksud jeung tujuan dilaksanakeunnana ieu rakor téh, nya éta pikeun ngaévaluasi pangalolaan pangaduan masarakat, ngaliwatan Aplikasi Super jeung Ě-Lapor. Sabab panggunaan kadua éta aplikasi téh kacida positif jeung gedé pisan mangpaatna, lantaran bisa ngagancangkeun dina ngaréngsékeun satiap pangaduan ti masarakat.

Sedengkeun Kapala Séksi Diseminasi jeung Informasi Publik Diskominfo Kota Sukabumi, Dhéa Noor Kumala, S.H., salaku Pupuhu Panata Calagara Kagiatan ngajelaskeun, dilaksanakeunnana ieu rakor téh sangkan para pajabat panghubung di satiap SKPD bisa terus ngaronjatkeun palayanan ka masarakat, sarta bisa nguntun komunikasi dua arah antara pamaréntah jeung masarakat.

Anapon nara sumber dina ieu rakor téh, nya éta Kapala Widang Infrastruktur TIK (Téknologi, Informasi jeung Komunikasi) sarta Pasandian jeung Integrasi Data Diskominfo Kota Sukabumi, H. Yuli Noviawan, S.T., M.T., katut Kapala Widang PIPS (Pangalolaan Informasi Publik jeung Statistik) Diskominfo Kota Sukabumi, Tantan Sontani, S.IP., M.Si.

Dina kasempetan éta, Wali Kota Sukabumi masrahkeun Layang Pangajén ka SKPD Pangalola Pangaduan pang hadéna, anu ngawengku ti kategori Kordinasi jeung Diseminasi Pangalolaan Pangaduan, nya éta Disdukcapil (Dines Kapadumukan jeung Panyatetan Sipil), Perumda (Perusahaan Umum Daérah) Air Minum TBW (Tirta Bumi Wibawa) jeung Kacamatan Warudoyong. Salajuna pikeun kategori pangalolaan pangaduan jeung tindak laju lapangan, nya éta Dines Pahubungan, Dines Satpol PP jeung DPU-PRP-KPP (Dines Pekerjaan Umum, Panataan Rohang, Paimahan, Kawasan Pamukiman jeung Patanahan).

Sedengkeun pikeun kategori réspon dina ngajawab pangaduan, nya éta Dines Kaséhatan, DLH (Dines Lingkungan Hidup) jeung BPBD (Badan Pananggulangan Bencana Daérah). Lian ti éta ogé dipasrahkeun layang pangajén husus ka Kantor Balé Pangalolaan Jalan Wilayah Palayanan II Provinsi Jawa Barat, sabagé mitra dina pangalolaan pangaduan masarakat.

Leave a Reply