KOPDAR PROVINSI JAWA BARAT PIKEUN NGALAKSANAKEUN PANGHANGKEUTAN PANGWANGUNAN DAÉRAH

Reporter/Redaktur/Editor : ENDANG SUMARDI

Kopdar (Kordinasi Panyalagaraan Pamaréntah Umum Daérah) Provinsi Jawa Barat anu munggaran dina taun 2020, pikeun ngalaksanakeun panghangkutan pangwangunan daérah dina sagala widang. Ěta kagiatan anu lumangsung anyar-anyar ieu di Kabupatén Purwakarta téh, dipingpin ku Gubernur Jawa Barat, Ridwan Kamil, katut Wakil Gubernur Jawa Barat, Uu Ruzhanul Ulum.

Anapon para pamilon dina éta kagiatan téh, nya éta Bupati katut Wali Kota, Wakil Bupati katut Wakil Wali Kota, sarta Ketua katut Wakil Ketua Tim Panggerak PKK Kabupatén jeung Kota sa Jawa Barat. Sedengkeun ti Kota Sukabumi, salian ti Wali Kota Sukabumi, H. Achmad Fahmi, katut Wakil Wali Kota Sukabumi, H. Andri S. Hamami, S.H., M.H., sarta Ketua Tim Panggerak PKK Kota Sukabumi, Hj. Fitri Hayati Fahmi, katut Wakil Ketua Tim Panggerak PKK Kota Sukabumi, Ěva Siti Rahmatillah, ogé Sekertaris Daérah Kota Sukabumi, Drs. H. Dida Sembada, M.M.

Saterusna téma Kopdar Provinsi Jawa Barat anu munggaran dina taun 2020, nya éta Panegakan jeung Pangawasan Pangwangunan Daérah, anu nara sumberna ti Kajaksaan Agung jeung Kajaksaan Tinggi Jawa Barat. Maksud jeung tujuannana, sangkan pangwangunan di daérah Jawa Barat bisa dilaksanakeun maksimal hususna dina nyerep anggaran. Salian ti éta ogé pikeun ngaronjatkeun prosés pangawasan jeung pangwangunan di daérah Jawa Barat, supaya luyu jeung koridor hukum anu ditetepkeun.

Gubernur Jawa Barat ngajelakeun, sababaraha waktu ka tukang geus diumumkan hasil évaluasi SAKIP (Sistim Akuntabilitas Kinerja Instansi Pamaréntah) ku KemenPAN-RB (Kementrian Pandayagunaan Aparatur Nagara jeung Réformasi Birokrasi). Rata-rata daérah Kota jeung Kabupatén di Jawa Barat meunang ajén B jeung BB. Ěta ajén SAKIP téh jadi bekel ka hareup, malar satiap daérah di Jawa Barat meunang ajén A. (Sumber Bagian Humas dan Protokol Setda Kota Sukabumi).

Leave a Reply