DINA POÉ AHAD BARIS DILAKSANAKEUN ACARA PUCAK MILANG KALA KA 1 RADIO SWARA PERINTIS

Reporter/Redaktur/Editor : ENDANG SUMARDI

Dina poé Ahad, 23 Fébruari 2020, baris dilaksanakeun Acara Puncak Milang Kala Ka 1 LPPL (Lembaga Panyiaran Publik Lokal) Radio Swara Perintis 93,1 FM Kota Sukabumi, anu dieusi ku rupa-rupa kagiatan, dina acara ranggeuyan Pangéling-ngéling Poé Jadi Ka 106 Kota Sukabumi. Diantarana Lomba Panyiar di Command Centre Diskominfo (Dines Komunikasi jeung Informatika) Kota Sukabumi, sarta Panyalagaraan Palayanan Publik jeung Sosialisasi ti sababaraha SKPD (Satuan Kerja Parangkat Daérah) di lingkungan Pamaréntah Kota Sukabumi jeung sponsor, pangbagian door prize, hiburan jeung games, di Buruan Balé Kota Sukabumi, ti pukul satengah 8 isuk nepi ka pukul 2 beurang WIB.

Anapon jenis Palayanan Publik jeung Sosialisasi anu dilaksanakeun ku sababaraha SKPD dina Acara Puncak Miang Kala Radio Swara Perintis téh, diantarana Pamariksaan Kaséhatan Haratis Dines Kaséhatan, Palayanan Informasi Dunya Kerja Dines Tanaga Kerja, sarta Palayanan Sijempol (Siap Jemput Bola) Palayanan Nyieun Dokumén jeung Adminduk (Administrasi Kapadumukan) Disdukcapil (Dines Kapadumukan jeung Panyatetan Sipil) pikeun masarakat Kota Sukabumi. Saterusna Palayanan Pamariksaan Kaséhatan Héwan Piaraan DKP3 (Dines Katahanan Pangan, Patanian jeung Paikanan), BPJS Kaséhatan jeung Katanagakerjaan, sarta SKPD jeung sababaraha pihak lianna.

Asistén Paékonomian jeung Pangwangunan Setda Kota Sukabumi, Ir. H. Cécép Mansur, M.M., sakaligus sabagé PLT (Palaksana Tugas) Kapala Diskominfo Kota Sukabumi ngajelaskeun, Milang Kala Ka 1 Radio Swara Perintis anu saméméhna dikenal RSPD (Radio Siaran Pamaréntah Daérah) Kota Sukabumi téh, ngangkat téma Sataun Awal Pajalanan. Sedengkeun Milang Kala Ka 1 Radio Swara Perintis téh, didasarkeun kana Perda (Peraturan Daérah) Kota Sukabumi Nomer 1 Taun 2019, Tanggal 11 Fébruari 2019, Ngeunaan Lembaga Panyiaran Publik Lokal Radio.

Salajuna ngajelaskeun, maksud jeung tujuan dilaksanakeunnana Milang Kala Radio Swara Perintis téh, diantarana pikeun leuwih ngawanohkeun Radio Swara Perintis. sabagéi média informasi jeung hiburan ka masarakat. Sedengkeun dilaksanakannana Lomba Panyiar, diantarana pikeun ngajaring bakat-bakat panyiar anyar radio, sarta pikeun ngaronjatkeun kaakraban jeung kaharmonisan kru Radio Swara Perintis jeung mayarakat.

Leave a Reply