RADIO SWARA PERINTIS KOTA SUKABUMI NGAHATURKEUN NUHUN KA SAKUMNA PIHAK

Reporter/Redaktur/Editor : ENDANG SUMARDI

Kapala Widang PIPS (Pangalolaan Informasi Publik jeung Statistik) Diskominfo (Dines Komunikasi jeung Informatika) Kota Sukabumi, Tantan Sontani, S.IP., M.Si., salaku Pupuhu Panata Calagara Milang Kala Ka 1 LPPL (Lembaga Panyiaran Publik Lokal) Radio Swara Perintis 93,1 FM Kota Sukabumi, ngahaturkeun nuhun ka sakumna pihak, anu ilubiung ngareuah-reuah kana Acara Puncak Milang Kala Ka 1 LPPL Radio Swara Perintis 93,1 FM Kota Sukabumi, anyar-anyar ieu, di Buruan Balé Kota Sukabumi, dina ranggeuyan Pangéling-ngéling Poé Jadi Ka 106 Kota Sukabumi, anu titimangsana tanggal 1 April 2020 nu bakal datang.

Ucapan hatur nuhun éta téh, ditepikeun ka sakumna SKPD (Satuan Kerja Parangkat Daérah) jeung pausahaan anu méré palayanan haratis ka masarakat dina Acara Puncak Milang Kala Ka 1 LPPL Radio Swara Perintis, nya éta palayanan Sijempol (Siap Jemput Bola) Palayanan Nyieun Dokumén jeung Adminduk (Administrasi Kapadumukan) Disdukcapil (Dines Kapadumukan jeung Panyatetan Sipil), palayanan Pamariksaan Kaséhatan Dines Kaséhatan, sarta palayanan Katanagakerjaan Dines Tanaga Kerja.

Salajuna palayanan Pamariksaan Héwan Piaraan jeung Bazaar Pasar Tani DKP3 (Dines Katahanan Pangan, Patanian jeung Paikanan), palayanan Perumda AM (Perusahaan Umum Daérah Air Minum) TBW (Tirta Bumi Wibawa), BPS (Badan Pusat Stattstik), BPJS Kaséhatan, BPJS Katanagakerjaan, sarta palayanan pangaduan masarakat Diskominfo, ngaliwatan Aplikasi Super (Sukabumi Participatory Résponder) jeung Ě-Lapor.

Salian ti éta, ogé ka Aspedi (Asosiasi Pengusaha Dékorasi Indonésia), GDM Salon, JAFRA, Klinik Cantik Irma, Ritrack, Hotél Balcony, Yogya Departemént Storé jeung Bank BJB.

Kapala Widang PIPS Diskominfo ngaharepkeun, ku dilaksanakeunnana Acara Puncak Milang Kala Ka 1 LPPL Radio Swara Perintis Kota Sukabumi téh, bisa leuwih ngantebkeun jeung ngawanohkeun Radio Swara Perintis, sabagé média informasi jeung hiburan ka masarakat, sarta bisa ngaronjatkeun kaakraban katut kaharmonisan kru Radio Swara Perintis jeung masarakat.

Leave a Reply