PAMARÉNTAH KOTA SUKABUMI NGAWILUJENGKEUN MILANG KALA KA 1 RADIO SWARA PERINTIS KOTA SUKABUMI

Reporter/Redaktur/Editor : ENDANG SUMARDI

Asistén Paékonomian jeung Pangwangunan Setda Kota Sukabumi, Insinyur H. Cécép Mansur, M.M., sakaligus sebagé PLT (Palaksana Tugas) Kapala Diskominfo (Dines Komunikasi jeung Informatika) Kota Sukabumi, kalayan asmana Kapala Daérah katut Pamaréntah Kota Sukabumi, ngawilujengkeun Milang Kala Ka 1 LPPL (Lembaga Panyiaran Publik Lokal) Radio Swara Perintis 93,1 FM Kota Sukabumi, anu titimangsana tanggal 11 Fébruari 2020, luyu jeung Perda (Peraturan Daérah) Kota Sukabumi Nomer 1 Taun 2019, Tanggal 11 Fébruari 2019, Ngeunaan Lembaga Panyiaran Publik Lokal Radio Swara Perintis Kota Sukabumi.

Ěta pangwilujeng téh, ditepikeun dina biantara basa muka sacara resmi Acara Puncak Milang Kala Ka 1 Radio Swara Perintis Kota Sukabumi, anyar-anyar ieu, di Buruan Balé Kota Sukabumi, dina ranggeuyan Pangéling-ngéling Poé Jadi Ka 106 Kota Sukabumi, anu titimangsana tanggal 1 April 2020 nu bakal datang.

Hadir dina kasempetan éta, Kapala DKP3 (Dines Katahanan Pangan, Patanian jeung Paikanan), Drs. H. Andri Setiawan, M.M., Kapala Disnaker (Dines Tanaga Kerja), Drs. H. Didin Syarifudin, M.Si., Kapala Disdukcapil (Dines Kapadumukan jeung Panyatetan Sipil), Ir. Hj. Kardina Karsoédi, M.T., sarta Diréktur Utama Perumda AM (Perusahaan Umum Daérah Air Minum) TBW (Tirta Bumi Wibawa), Ir. Abdul Kholik Fadjawani, M.M.

Salian ti éta, ogé para unsur Pingpinan SKPD (Satuan Kerja Parangkat Daérah) lianna, Bank BJB, BPS (Badan Pusat Statistik), BPJS Kaséhatan jeung Katanagakerjaan, kaasup sajumlah pausahaan jeung pihak lianna, anu ilubiung dina Acara Puncak Milang Kala Ka 1 LPPL Radio Swara Perintis Kota Sukabumi, sarta ratusan masarakat.

Saterusna dijelaskeun, radio di Kota Sukabumi kaasup Radio Swara Perintis Kota Sukabumi nepi ka danget ieu masih tetep éksis, sabagé média informasi jeung hiburan. Ku sabab kitu, Asistén Paékonomian jeung Pangwangunan Setda Kota Sukabumi meredih ka sakumna kru Radio Swara Perintis, sangkan salawasna usaha satékah polah ngaronjatkeun ajén siaran kaasup informasi jeung hiburan ka nu leuwih hadé deui.

Disagigireun ti éta, Asistén Paékonomian jeung Pangwangunan ogé cumeluk sakaligus ngagupay ka para Kapala SPKD di lingkungan Pamaréntah Kota Sukabumi, malar dina waktu-waktu tinangtu ngareungeukeun Radio Swara Perintis, ngaliwatan Galura 93,1 FM, lantaran réa hal jeung informasi anu ditepikeun ku ieu radio.

Leave a Reply