WAKIL WALI KOTA SUKABUMI MILON RAKORNAS WIDANG PERPUSTAKAAN

Reporter/Redaktur/Editor : ENDANG SUMARDI

Wakil Wali Kota Sukabumi, H. Andri S. Hamami, S.H., M.H., dibarengan ku Kapala Dispusip (Dines Perpustakaan jeung Kaarsipan) Kota Sukabumi, Drs. H. Gabril Majid Sukarman, M.Pd., milon Rakornas (Rapat Kordinasi Nasional) Widang Perpustakaan, anu dicalagarakeun ku Kemendagri (Kementrian Dalem Negri), anyar-anyar ieu, di Hotél Bidakara Jakarta.

Ěta rakornas anu ngangkat téma Inovasi jeung Kréativitas Pustakawan dina Nguatan Budaya Literasi pikeun Ngawujudkeun SDM Unggul Indonésia Maju téh, dibuka ku Mendagri (Mentri Dalem Negri), Prof. H. Muhammad Tito Karnavian, Ph.D. Anapon pamilon éta rakornas téh, ngawengku ti para Kapala Dines Perpustakaan, Panggiat Perpustakaan, Pustakawan jeung sakumna Pamangku Kapentingan dina Widang Perpustakaan.

Mendagri ngaharepkeun, ieu rakornas téh kudu bisa jadi kasempetan pikeun ngarojong gerakan literasi dina rupa-rupa séktor. Ku sabab kitu, Kemendagri baris salawasna ngarojong jeung ngagerakan literasi, pikeun ngaronjatkeun pangwangunan SDM (Sumber Daya Manusa) anu unggul, inovatif jeung kréatif, pikeun ngawujudna masarakat anu ngabogaan pangaweruh jeung karakter anu hadé.

Saterusna ngajelaskeun, ieu rakornas téh kacida pentingna, sarta kudu aya follow-up atawa tindak-lajuna, ku cara jeung léngkah anu nyata, sarta Kemendagri baris salawasna siap jeung ngadorong literasi, malar literasi teu jadi deui nomer 2 ti handap, jeung SDM Indonésia baris mingkin unggul, ngaliwatan paningkatan gerakan literasi.

Sedengkeun Wakil Wali Kota Sukabumi ngajelaskeun, Pamaréntah Kota Sukabumi salawasna ngarojong jeung ngadorong paningkatan perpustakaan jeung literasi, ngaliwatan rupa-rupa program jeung kagiatan. Diantarana program Sugema (Sukabumi Gemar Membaca) jeung Sahabat Geulis (Gerakan Literasi). (Sumber Bagian Humas jeung Protokol Setda Kota Sukabumi).

Leave a Reply