KEMENKOMINFO RI NGALAKSANAKEUN ÉVALUASI MASTER PLAN SMART CITY DI KOTA SUKABUMI

Reporter : RIKSAN SATYAPRAWIRA

Redaktur/Editor : ENDANG SUMARDI

Pikeun ngukur progréss atawa kamajuan palaksanaan Master Plan Smart City, Kemenkominfo (Kementrian Komunikasi jeung Informatika) RI, salila 2 poé saswatara waktu ka tukang, ngalaksanakeun évaluasi Master Plan Smart City di Kota Sukabumi. Ěta évaluasi téh ngawengku sababaraha tahap, diantarana pangajénan jeung survéy lapangan kana 6 pilar Smart City. Sedengkeun dilaksanakeunnana éta évaluasi téh, lantaran Pamaréntah Kota Sukabumi ngaliwatan Diskominfo (Dines Komunikasi jeung Informatika) Kota Sukabumi, ti taun 2017 geus ngabogaan Rancana Induk atawa Master Plan Smart City.

Anapon ka 6 pilar éta Smart City anu diajén téh, nya éta aplikasi Super (Sukabumi Participatory Responder), sabagé aplikasi pangalolaan pangaduan masarakat, ngeunaan palayanan publik nu asup kana pilar Smart Governance, sarta Smart Branding anu pangajénannana dilaksanakeun di tempat Wisata Pamandian Cai Panas Cikundul, Kalurahan Cikundul, Kacamatan Lembursitu, Kota Sukabumi. Sedengkeun pikeun Smart Ěconomy, nya éta bantuan modal UMKM (Usaha Mikro Kecil jeung Menengah) ka Rumah Jahé, sarta Smart Living anu objék pangajénannana nya éta Puskesmas 24 jam, Palayanan Ambulan SIGAP (Siap Ihlas Sagancangna Antar Jemput Pasén) jeung Palayanan Homé Caré. Salajuna Perpustakaan Keliling jeung Kotak Literasi Cerdas, diajén sabagé pilar Smart Sociéty, jeung anu pamungkas Smart Ěnvirontment, anu objék pangajénannana fasilitas daur ulang runtah di SMA Negri 3 Kota Sukabumi.

Ngaliwatan ieu évaluasi téh, pihak Kemenkomiknfo RI baris ngaluarkeun rupa-rupa rékomendasi, ngeunaan panerapan Master Plan Smart City di Kota Sukabumi, sarta rupa-rupa léngkah anu dibutuhkeun dina panerapannana dina mangsa nu bakal datang. Dina éta évaluasi téh, pihak Kemenkominfo RI gawé bareng jeung pihak akademisi, sarta ngalibetkeun sajumlah OPD (Organisasi Parangkat Daérah) nu aya kaitannana di lingkungan Pamaréntah Kota Sukabumi.

Leave a Reply