KASATIAKAWANAN SOSIAL NGARUPAKEUN SALA SAHIJI ASPÉK ANU JADI PAHATIAN HUSUS

Reporter/Redaktur/Editor : ENDANG SUMARDI

Sekertaris Daérah Kota Sukabumi, Drs. H. Dida Sembada, M.M., kalayan asmana Wali Kota Sukabumi nandeskeun, kasatiakawanan sosial ngarupakeun sala sahiji aspék anu jadi pahatian husus Pamaréntah Kota Sukabumi. Ěta hal téh luyu jeung misi kahiji Wali Kota katut Wakil Wali Kota Sukabumi, nya éta ngawujudna masarakat anu ngabogaan ahlakul karimah, séhat, cerdas, kréatif jeung ngabogaan budaya, sarta ngabogaan kasatiakawanan sosial. Ěta panandesan téh ditepikeun dina biantara, basa muka Forum Parangkat Daérah Widang Sosial, anyar-anyar ieu, di Hotél Santika Kota Sukabumi.

Salajuna ditandeskeun, indikator kahasilan pangwangunan widang sosial téh aya 2 indikator, nya éta kalayanannana masarakat kaasup PPKS (Pamerlu Palayanan Kasajahtraan Sosial), jeung ngaronjatna ilubiung Pakerja Profésional Kasajahtraan Sosial, dina upaya ngurangan kamiskinan jeung kasajahtraan sosial.

Salian ti éta ogé ngajelaskeun, Kota Sukabumi geus ngabogaan TKSK (Tanaga Kasajahtraan Sosial Kacamatan), PSM (Pakerja Sosial Masarakat), PKH (Program Kulawarga Harepan), Tagana (Taruna Siaga Bencana), Karang Taruna, LK3 (Lembaga Konsultasi Kasajahtraan Kulawarga), sarta pakerja profésional sosial séjénna, anu diharepkeun bisa jadi mitra jeung pangrojong kana prosés ngurangan kamiskinan di Kota Sukabumi. Satuluyna ngajelaskeun, Kota Sukabumi ogé ngabogaan 2 program unggulan Wali Kota katut Wakil Wali Kota Sukabumi, nya éta Rumah Singgah di Bandung jeung Udunan Online.

Sekertaris Daérah Kota Sukabumi ngaharepkeun, ngaliwatan Forum Parangkat Daérah Widang Sosial téh, satiap usulan ti masarakat bisa disaluyukeun jeung Renstra (Rencana Strategis) widang sosial anu dikokolakeun ku Dines Sosial, anu pamustungannana bisa kasusun parancanaan anu hadé, pikeun ngaréngsékeun masalah kasajahtraan sosial di Kota Sukabumi.

Leave a Reply