WALI KOTA SUKABUMI MILON RAKORTÉKRENBANG RÉGIONAL II TAUN 2020

Reporter/Redaktur/Editor : ENDANG SUMARDI

Wali Kota Sukabumi, H. Achmad Fahmi, milon Rakortékrenbang  (Rapat Kordinasi Téknis Parancanaan Pangwangunan) Régional II Taun 2020, di Hotél Grand Aquilla Kota Bandung, anyar-anyar ieu. Éta rapat téh diiluan ku para Bupati katut Wali Kota, sarta para unsur Pingpinan OPD (Organisasi Parangkat Daérah) nu aya kaitannana sa Régional II. Hadir dina kasempetan éta, Sekjén Kemendagri (Sekertaris Jéndral Kementrian Dalem Negri) RI,. Hadi Prabowo, Wakil Gubernur Jawa Barat, H. Uu Ruzhanul Ulum, katut para tamu ondangan lianna.

Sekjén Kemendagri RI ngajelaskeun, urgénsi Rakortékrenbang téh sabagé upaya dina ngalaksanakeun sinkronisasi jeung harmonisasi pangwangunan daérah, hususna nu aya kaitannana jeung parancanaan pangwangunan taun 2020-2024, dimana Persidén RI, Jokowi, katut Wakil Persidén RI, K.H. Ma’ruf Amin, geus nepikeun amanat, nya éta 5 prioritas pangwangunan. Éta amanat téh geus ditetepkeun dina Perpres (Peraturan Persidén) Nomer 18 Taun 2020, ngeunaan RPJMN (Rancana Pangwangunan Jangka Manengah Nasional) Taun 2020-2024.

Sedengkeun Wali Kota Sukabumi ngajelaskeun, ieu Rakortékrenbang téh ngarupakeun bagian tina ranggeuyan kagiatan parancanaan taunan, boh di puseur boh di daérah. Anapon maksud jeung tujuannana, nya éta kawangunna sinkronisasi rancana program jeung kagiatan, antara pamaréntah puseur jeung pamaréntah daérah, sakumaha anu kacantum dina RKPD (Rancana Kerja Pangwangunan Daérah) jeung RKP (Rancana Kerja Pamaréntah) Taun 2021, dina raraga ngarojong jeung ngahongtal targét pangwangunan nasional.

Wali Kota Sukabumi ngaharepkeun, ku dilaksanakeunnana ieu rapat téh, bisa mawa parobahan atawa angin segar dina ngahangkeutkeun palaksanaan pangwangunan di daérah. Sabab program jeung kagiatan anu dijieun ku daérah, tangtu baris luyu jeung program katut kagiatan di puseur. (Sumber Bagian Humas jeung Protokol Setda Kota Sukabumi).

Leave a Reply