APARAT KACAMATAN JEUNG KALURAHAN SANGKAN NGAPTIPKEUN LEUIT PANGAN WARGA

Reporter/Redaktur/Editor : ENDANG SUMARDI

Wali Kota Sukabumi, H. Achmad Fahmi, meredih ka Aparat Kacamatan jeung Kalurahan, sangkan ngaptipkeun Leuit Pangan Warga, gawé bareng jeung sakumna pihak nu aya kaitannana. Maksud jeung tujuannana, pikeun nyumponan pangabutuh pangan warga. Salian ti éta, ogé sangkan ngaptipkeun rélawan lingkungan jeung ilubiung masarakat dina rupa-rupa hal, anu dikomando ku Camat jeung Lurah masing-masing.

Éta pameredih Wali Kota téh, ditepikeun basa mingpin Télé Confrén atawa Vidéo Confrén Ngungkulan Panyebaran Virus Corona atawa Covid-19, jeung para Camat katut Lurah sa Kota Sukabumi, di Rohangan Tata Pamaréntahan Setda Kota Sukabumi, anyar-anyar ieu.

Disagigireun ti éta, para Camat jeung Lurah ogé sangkan  ngawatesanan kagiatan jeung warga, sarta kudu salawasna méré atikan jeung béwara ka warga, hususna nu aya kaitannana jeung upaya panyegahan panyebaran Virus Corona. Wali Kota ngajelaskan, frasa social distancing atawa jarak sosial, kiwari jadi physical distancing atawa ngajaga jarak pisik antar jalma, pikeun nyingkahan jeung nyegah panyebaran Virus Corona.

Salajuna para Camat jeung Lurah ogé kudu merhatikeun jeung nerapkeun standar kaséhatan maksimal. Disagédéngeun ti éta, ogé palayanan kacamatan jeung kalurahan bisa ngagunakeun aplikasi, supaya warga anu ngabutuhkeun palayanan henteu perlu datang ka kacamatan atawa ka kalurahan.

Sedenghkeun Sekertaris Daérah Kota Sukabumi, Drs. H. Dida Sembada, M.M. ngajelaskeun, di Kota Sukabumi aya Gugus Tugas Pananganan Virus Corona sarta Pusat Informasi jeung Kordinasi atawa Média Cénter Covid-19 atawa Corona, di Dines Kaséhatan Kota Sukabumi. Saterusna ngaharepkeun, ku ayana éta Média Cénter téh, masarakat bisa meunang béwara anu aktual jeung paktual ngeunaan Virus Corona di Kota Sukabumi.

Leave a Reply