SOSIALISASI JEUNG ÉDUKASI NGEUNAAN PANYEGAHAN PANYEBARAN VIRUS CORONA

Reporter/Redaktur/Editor : ENDANG SUMARDI

Pamaréntah Kota Sukabumi ngaliwatan Dines Kaséhatan Kota Sukabumi, PPNI (Pasatuan Parawat Nasional Indonésia) Kota Sukabumi, Dines Satpol PP (Satuan Polisi Pamong Praja) Kota Sukabumi, Satlinmas (Satuan Palindungan Masarakat) Kota Sukabumi katut lembaga jeung unsur lianna, terus ngalaksanakeun sosialisasi jeung édukasi ka masarakat, ngeunaan upaya panyegahan panyebaran Virus Corona atawa Covid-19 hususna di Kota Sukabumi. Diantarana ku ngabiasakeun ngumbah leungeun maké sabun atawa antiséptik lianna dina cai anu ngalir, sarta nerapkeun pola PHBS (Prilaku Hirup Bersih jeung Séhat).

Wali Kota Sukabumi ngajelaskeun, ieu kagiatan téh sabagé sala sahiji bentuk perhatian jeung pangabdian ka masarakat, dina nyanghareupan tangtangan danget ieu, nya éta Virus Corona. Ku sabab kitu, Wali Kota ngahaturkeun nuhun katut pangajén anu saluhur-luhurna ka Dines Kaséhatan Kota Sukabumi, PPNI Kota Sukabumi, Dines Satpol PP Kota Sukabumi, Satlinmas Kota Sukabumi katut lembaga jeung unsur lianna, anu geus jeung salawasna ngalaksanakeun soialisasi jeung édukasi ka masarakat, dina upaya panyegahan panyebaran Virus Corona di Kota Sukabumi.

Disagigireun ti éta, Wali Kota ogé meredih ka éta para patugas, sangkan dina ngajalankeun éta tugas téh dilengkepan ku standar kaséhatan anu maksimum, saperti maké masker jeung alat kaséhatan lianna. Salajuna ngaharepkeun, ku diksanakeunnana éta sosialisasi jeung édukasi téh, bisa ngaronjatkeun kasadaran masarakat dina nyingkahan jeung ngalaksanakeun upaya panyegahan panyebaran Virus Corona, diantarana ku ngabiasakeun jeung ngabudayakeun ngumbah leungeun maké sabun atawa antiséptik lianna dina cai anu ngalir jeung PHBS.

Leave a Reply