PAMARÉNTAH KOTA SUKABUMI NYALAGARAKEUN SILATURAHMI JEUNG PARA JURNALIS

Reporter/Redaktur/Editor : ENDANG SUMARDI

Pamaréntah Kota Sukabumi nyalagarakeun silaturahmi jeung para jurnalis atawa wartawan, di Balé Kota Sukabumi, dina raraga miéling Poé Jadi Ka 106 Taun Kota Sukabumi, 1 April 2020. Hadir dina éta kasempetan, Sekertaris Daérah Kota Sukabumi, Drs. H. Dida Sembada, M.M., Asistén Administrasi Setda Kota Sukabumi, Iskandar, S.IP., M.T., sakaligus sabagé Pupuhu Panata Calagara Pangéling-ngéling Poé Jadi Ka 106 Taun Kota Sukabumi, Kapala Bagian Humas (Hubungan Masarakat) jeung Protokol Setda Kota Sukabumi, Héndry Iman Hérmansyah, S.STP., sarta pawakilan ti Diskominfo (Dines Komunikasi jeung Informatika) Kota Sukabumi.

Dina kasempetan éta, Sekertaris Daérah Kota Sukabumi ngajelaskeun, dilaksanakeunnana ieu silaturahmi téh sabagé bentuk ucapan hatur nuhun jeung pangajén ka para jurnalis, anu geus nguntun gawé bareng jeung Pamaréntah Kota Sukabumi dina rupa-rupa widang. Salajuna ngajelaskeun, Poé Jadi Ka 106 Taun Kota Sukabumi dipiéling sacara sederhana, diantarana ku silaturahmi jeung para jurnalis. Lantaran sakumna pihak, boh Aparat Pamaréntah Kota Sukabumi boh TNI jeung Polri katut sakumna lapisan masarakat Kota Sukabumi, keur usaha nyingkahan jeung nyegah panyebaran Corona Virus Diséasé 19 atawa Covid-19.

Ku sabab kitu, Pangéling-ngéling Poé Jadi Ka 106 Taun Kota Sukabumi téh, dieusi ku rupa-rupa kagiatan dina raraga usaha nyingkahan jeung nyegah panyebaran Covid-19, gawé bareng jeung sakumna pihak. Sekertaris Daérah Kota Sukabumi ngaharepkeun, ku ngaliwatan gawé bareng jeung sakumna pihak, masalah Covid-19 téh bisa sagancangna diungkulan jeung diréngsékeun.

Leave a Reply