DANDIM 0607 KOTA SUKABUMI MÉRÉ KADO PANGÉLING-NGÉLING POÉ JADI KA 106 TAUN KOTA SUKABUMI

Reporter/Redaktur/Editor : ENDANG SUMARDI

Dandim 0607 Kota Sukabumi, LétkoI Inf. Danang Prasetyo Wibowo, méré kado sepesial Pangéling-ngéling Poé Jadi Ka 106 Taun Kota Sukabumi, 1 April 2020, ka Wali Kota Sukabumi, H. Achmad Fahmi, di Balé Kota Sukabumi. Ěta kado téh mangrupa foto Dandim 0607 Kota Sukabumi katut 2 urang Panerjun Payung lianna, mawa Bendera Kota Sukabumi di awang-awang, basa Latihan Terjun Payung Bébas atawa Fréé Fall Brigif Para Raider 17 Kujang I Kostrad Taun 2020, di Kota Sukabumi, sawatara waktu ka tukang.

Dina kasempetan éta/ Wali Kota Sukabumi kalayan asmana pamaréntah katut masarakat Kota Sukabumi, ngahaturkeun nuhun ka Dandim 0607 Kota Sukabumi, anu geus méré éta foto, sabagé kado sepesial Pangéling-ngéling Poé Jadi Ka 106 Taun Kota Sukabumi. Salian ti éta, Wali Kota ogé ngahaturkeun nuhun ka Dandim 0607 Kota Sukabumi katut unsur Forkopimda (Forum Komunikasi Pimpinan Daérah) Kota Sukabumi lianna, kana sagala rupa perhatian jeung gawé bareng anu hadé jeung pamaréntah katut masarakat Kota Sukabumi dina sagala widang.

Wali Kota ngaharepkeun, ku ngaliwatan gawé bareng anu hadé jeung sakumna pihak téh, bisa ngahontal Visi Pamaréntah Kota Sukabumi, nya éta Ngawujudnya Kota Sukabumi anu Renyah (Réligieus, Nyaman jeung Sajahtra). Disagigireun ti éta, ogé bisa ngaréngsékeun rupa-rupa pasualan anu disanghareupan di Kota Sukabumi, diantarana nyingkahan jeung nyegah panyebaran Corona Virus Diséasé 19 atawa Covid-19.

Leave a Reply