YAYASAN AN-NUUR KOTA SUKABUMI MÉRÉ BANTUAN PAKĚT SEMBAKO KA MASARAKAT

Reporter : ARIF HIDAYAT

Redaktur/Editor : ENDANG SUMARDI

Yayasan An-Nuur Kota Sukabumi, ngalaksanakeun gerakan sosial ngabantu masarakat anu ékonomina kahantem ku virus covid-19. Ěta bantuan téh dipasrahkeun dina bentuk pakét Sembako (Sembilan Bahan Poko).

Ketua Yayasan An-Nuur Kota Sukabumi, Ustadz Sandang ngajelaskeun, kagiatan pangbagian Sembako ti Yayasan An-Nuur téh, dirancanakeun dilaksanakeun satiap minggu sakali, salila mangsa pananggulangan virus covid-19. Ieu bantuan téh asalna ti para donatur jama’ah An-Nuur.

Anapon panyaluran bantuan tahap munggaran, dilaksanakeun tanggal 5 April 2020, mangrupa pakét Sembako saharga Rp. 150.000,00, katut masker jeung cairan disinféktan, ka 100 urang masarakat Kalurahan Kebonjati Kacamatan Cikolé.

Salian ti éta ogé ngajelaskeun, masarakat anu dibantu téh nya éta nu kurang mampuh, sarta anu paékonomiannana kahantem ku pandemi covid-19. Salajuna ngajelaskeun, pangbagian ieu pakét bantuan téh dilaksanakeun sacara langsung ka imah masarakat.

Ketua Yayasan An-Nuur Kota Sukabumi ngaharepkeun, éta bantuan téh bisa ngabantu masarakat anu ngarandapan kasullitan. Saterusna ngajelaskeun, Yayasan An-Nuur baris salawasna usaha satékah polah ngalaksanakeun ieu gerakan sosial, pikeun ngabantu masarakat anu ngabutuhkeun.

Ku lantaran kitu, Ketua Yayasan An-Nuur Kota Sukabumi umajak ka sakumna masarakat anu mampuh, pikeun jadi donatur dina ieu gerakan sosial, keur ngabantu masarakat anu kurang mampuh jeung anu ngabutuhkeun bantuan.

Leave a Reply