ANGGOTA DPR RI NYUMBANGKEUN GAJIH PIKEUN NGUNGKULAN COVID-19 DI KOTA SUKABUMI

Reporter/Redaktur/Editor : ENDANG SUMARDI

Anggota DPR RI ti Dapil (Daérah Pemilihan) Kota jeung Kabupatén Sukabumi, drh. Slamet, nyumbangkeun gajih ka Pamaréntah Kota Sukabumi, pikeun ngungkulan Corona atawa Covid-19 di Kota Sukabumi. Ěta sumbangan gajih ti Anggota DPR RI téh, ditarima ku Wali Kota Sukabumi, H. Achmad Fahmi, di Rohangan Utama Balé Kota Sukabumi, cindekna tanggal 7 April 2020.

Wali Kota Sukabumi kalayan asmana pamaréntah katut masarakat Kota Sukabumi, ngahaturkeun nuhun katut pangajén anu saluhur-luhurna ka éta Anggota DPR RI, anu geus nyumbangkeun gajih ka Pamaréntah Kota Sukabumi, pikeun ngungkulan Covid-19. Salian ti éta, Wali Kota Sukabumi ogé ngaharepkeun aya Anggota DPR RI lianna ti Dapil Kota jeung Kabupatén Sukabumi, anu nyumbangkeun gajih ka Pamaréntah Kota Sukabumi, sabagé bentuk pahatian jeung kapadulian ti wakil rahayat, pikeun ngungkulan Covid-19 di Kota Sukabumi.

Sedengkeun Anggota DPR RI, drh. Slamet ngajelaskeun, ieu sumbangan téh ngarupakeun sumbangan gajih sabulan, pikeun dipasrahkeun ka Gugus Tugas Panghangkeutan Pananggulangan Covid-19 di Kota Sukabumi, sabagé bentuk pahatian jeung kapadulian ka masarakat jeung Pamaréntah Kota Sukabumi. Ieu hal téh ogé dilaksanakeun ku Wali Kota Sukabumi, nya éta nginfakkeun sabagian gajihna, pikeun ngungkulan Covid-19 di Kota Sukabumi.

Leave a Reply