KAMENTRIAN TANAGA KERJA RI NGALUNCURKEUN PROGRAM KARTUH PRA KERJA

Reporter : ARIF HIDAYAT

Redaktur/Editor : ENDANG SUMARDI

Sakumaha anu dijelaskeun ku Kapala Dines Tanaga Kerja Kota Sukabumi, Drs. H. Didin Syarifudin, M.Si., Kamentrian Tanaga Kerja RI, ngaluncurkeun program Kartuh Pra Kerja, pikeun para pakerja anu paékonomianna kadampak ku pandemi Covid-19. Ěta program téh pikeun ngungkulan dampak Covid-19 kana katanagakerjaan, sarta ditujukeun pikeun méré palatihan kaparigelan ka para pakerja, anu paékonomiannana kadampak ku pandemi Covid-19.

Pikeun masarakat Kota Sukabumi hususna para pakerja anu paékonomiannana kadampak ku pandemi Covid-19 anu rék miluan kana éta program, bisa daptar sacara online di www.prakerja.go.id, atawa datang langsung ka Dines Tanaga Kerja Kota Sukabumi, Jalan Ciaul Pasir Kota Sukabumi. Salajuna ngajelaskeun, saupama geus daptar, para calon pamilon éta program téh baris divérifikasi, sarta anu lolos vérifikasi baris meunang palatihan, jeung sanggeus miluan palatihan nepi ka réngsé baris meunang tunjangan dina jangka waktu tinangtu.

Nyigeung dampak pandemi Covid-19 kana katanagakerjaan di Kota Sukabumi, numutkeun Kapala Dines Tanaga Kerja, nepi ka tanggal 15 April 2020, geus aya 15 pausahaan anu ngarumahkeun para pakerjana, sarta  totalna ngahontal 901 pakerja. Sedengkeun ngeunaan gajih para pakerja anu dirumahkeun téh baris dibayar luyu jeung kasaluyuan para pakerja jeung pausahaannana. Saterusna, éta pausahaan téh baris ngagawékeun deui para pakerjana anu dirumahkeun, saupama pandemi Covid-19 geus réngsé. Disagédéngeun ti éta, pikeun para pakerja anu dirumahkeun, bisa daptar kana program Kartuh Pra Kerja.

Leave a Reply