JABAR BERGERAK MÉRÉ BANTUAN KA MASARAKAT ANU KADAMPAK COVID-19 DI KOTA SUKABUMI

Reporter/Redaktur/Editor : ENDANG SUMARDI

Jabar Bergerak ngalaksanakeun aksi kamanusaan, nya éta méré bantuan ka masarakat anu kadampak Covid-19 di Kota Sukabumi, mangrupa 5 Wastafel Portabel jeung 100 pakét Sembako. Éta bantuan téh dipasrahkeun ku Kordinator Jabar Bergerak Wilayah I, Nonong Winarni, ka Wakil Wali Kota Sukabumi, H. Andri S. Hamami, S.H., M.H., salaku Palindung sakaligus Ketua Jabar Bergerak Kota Sukabumi, pikeun disalurkeun ka masarakat.

Anapon ka 5 éta Wastafel Portable téh, didistribusikeun ka sababaraha titik wilayah, nya éta ka Terminal Tipeu A K.H. Ahmad Sanusi, Pasar Léttu Bakri jeung 3 titik di wilayah Kacamatan Gunung Puyuh, anu ngawengku ti Kalurahan Gunung Puyuh, Kalurahan Karamat jeung Kalurahan Sriwidari. Sedengkeun 100 pakét Sembako, didistribusikeun ka para patugas kabersihan anu can kacover, sarta ka masarakat anu kadampak Covid-19 nu aya di zona mérah.

Wakil Wali Kota Sukabumi ngajelaskeun, bantuan ti Jabar Bergerak téh ngarupakan bantuan tahap awal, jeung éta bantuan téh di luar bantuan ti pamaréntah. Dina kasempetan éta, Wakil Wali Kota ogé ngajak ka sakumna lapisan masarakat, sangkan ngahiji jeung babarengan bagerak ngalawan pandemi Corona atawa Covid-19, lain ukur dina kaséhatan wungkul, tapi ogé dampak lianna, saperti sosial kamasarakatan jeung ékonomi.

Leave a Reply