POLRES SUKABUMI KOTA NGALAKSANAKEUN PALATIHAN PANANGANAN COVID-19

Reporter/Redaktur/Editor : ENDANG SUMARDI

Polres Sukabumi Kota ngalaksanakeun Palatihan Pananganan, Pamulasaraan jeung Pamakaman Janazah Covid-19, di Buruan Mapolres Sukabumi Kota, anyar-anyar ieu. alaman Hadir dina éta kasempetan, Wali Kota Sukabumi, Kapolres Sukabumi Kota, Kodim 0607 Kota Sukabumi, Dines Kaséhatan Kota Sukabumi, RSUD (Rumah Sakit Umum Daérah) R. Syamsudin, S.H. Kota Sukabumi, MUI (Majelis Ulama Indonésia), jeung FKUB (Forum Karukunan Umat Beragama).

Wali Kota Sukabumi, H. Achmad Fahmi ngajelaskeun, Pamaréntah Kota Sukabumi gawé bareng jeung Polres Sukabumi Kota katut unsur lianna, dina ngungkulan jeung ngurus janazah Covid-19. Sok sanajan nepi ka danget ieu can aya pasén positif jeung PDP (Pasén Dalam Pangawasan) Covid-19 anu tilar dunya, tapi upaya pasiapan anu dilaksanakeun ku Polres Sukabumi Kota, ngarupakeun upaya antisipasi dina nyanghareupan kamungkinan ayana pasén positif Covid-19 anu tilar dunya.

Sedengkeun Kapolres Sukabumi Kota, AKBP Wisnu Prabowo ngajelaskeun, ieu kagiatan téh dilaksanakeun gawé bareng jeung sajumlah pihak, pikeun ngungkulan janazah anu kaindikasi Covid-19. Salajuna ngajelaskeun, ieu kagiatan téh kacida penting pikeun satiap personil, supaya apal kana cara-cara ngungkulan jeung ngurus janazah Covid-19, pikeun dibawa ka rumah sakit, lengkep maké APD (Alat Palindung Diri). Salian ti éta, saupama diperlukeun siap ngalaksanakeun pamakaman.

Disagédéngeun ti éta ogé ngajelaskeun, ieu palatihan téh ngarupakeun kawajiban pikeun umat Islam, sakaligus sabagé kasiapsiagaan pikeun ngabantu ngungkulan jeung ngurus janazah Covid-19, gawé bareng jeung Pamaréntah Kota Sukabumi, Kodim 0607 Kota Sukabumi jeung unsur lianna. Saterusna ngajelaskeun, ieu palatihan téh diiluan ku 93 urang, anu ngawengku ti para Kapollsek jeung Babinkamtibmas di lingkungan Polres Sukabumi Kota.

Leave a Reply