PAMARÉNTAH KOTA SUKABUMI NARIMA BANTUAN TI TOKOH MASARAKAT KOTA SUKABUMI

Reporter/Redaktur/Editor : ENDANG SUMARDI

Pamaréntah Kota Sukabumi, narima bantuan ti tokoh masarakat Kota Sukabumi, Laksdya TNI Purn. Achmad Taufiqoérrochman M., S.Ě., mangrupa APD (Alat Palindung Diri) Hazmat Suit réana 90 sét. Ěta bantuan téh ditarima ku Wali Kota Sukabumi, H. Achmad Fahmi, dibarengan ku Sekertaris Daérah Kota Sukabumi, Drs. H. Dida Sembada, M.M., di Rohangan Utama Balé Kota Sukabumi, anyar-anyar ieu.

Dina kasempetan éta, Wali Kota kalayan asmana Pamaréntah Kota Sukabumi, ngahaturkeun nuhun katut pangajén anu saluhur-luhurna ka éta tokoh masarakat, anu geus méré bantuan Hazmat Suit, pikeun disalurkeun ka para tanaga médis di Kota Sukabumi.

Wali Kota ngajelaskeun, éta bantuan téh gedé pisan maunatna jeung mangpaatna, dina upaya ngahangkeutkeun ngungkulan jeung nyegah panyebaran Virus Corona atawa Covid-19 di Kota Sukabumi. Salajuna ngajelaskeun, éta bantuan ti mantén Kapala Bakamla (Badan Kaamanan Laut) Républik Indonésia téh, baris sagancangna disalurkan ngaliwatan Gugus Tugas Panghangkeutan Pananganan Covid-19 Kota Sukabumi.

Salian ti éta, dina poé anu sarua, Pamaréntah Kota Sukabumi ogé meunang deui bantuan ti Bank Supra Sukabumi, mangrupa 500 pakét Sembako. Ěta bantuan téh, baris disalurkeun ka masarakat Kota Sukabumi anu kadampak Covid-19.

Leave a Reply