WALI KOTA SUKABUMI NGALAKSANAKEUN PANITÉNAN KAAYAAN PASOSORÉ DI JALAN A. YANI

Reporter/Redaktur/Editor : ENDANG SUMARDI

Wali Kota Sukabumi, H. Achmad Fahmi, dibarengan ku Kapala Dines Satpol PP (Satuan Polisi Pamong Praja) Kota Sukabumi, Yadi Mulyadi, S.STP., M.Si., ngalaksanakeun paniténan kaayaan wanci pasosoré di Jalan A. Yani Kota Sukabumi, anyar-anyar ieu. Dilaksanakeunnana éta panitenan téh, dina raraga nindaklaju laporan masarakat, ngeunaan masih raména aktivitas masarakat dina wanci pasosoré di kawasan Jalan A. Yani.

Dina éta kasempetan, Wali Kota Sukabumi negor masarakat anu teu maké masker. Sabab saiap masarakat anu kaluar ti imahna, di Kota Sukabumi wajib maké maker. Anapon maksud jeung tujuannana, nya éta sabagé sala sahiji usaha pikeun nyingkahan jeung nyegah sakaligus megatkeun mata ranté panyebaran Virus Corna atawa Covid-19.

Sedengkeun Kapala Dines Satpol PP Kota Sukabumi, terus cumeluk ka para padagang ngagunakeun pangeras soara, sangkan tumut kana aturan anu geus disaluyuan, hususna ngeunaan wates tempat dagang di Jalan A. Yani. Salajuna ka para padagang jeung masarakat, sangkan salawasna maké masker jeung ngajaga jarak aman, boh jeung sasama padagang boh jeung masarakat anu balanja, sarta kudu salawasna nyingkahan jeung ngajauhan riungan jalma.

Disagigireun ti éta, para padagang jeung masarakat sangkan salawasna nerapkeun PHBS (Prilaku Hirup Bersih jeung Séhat), diantarana ku mindeng ngumbah leungeun maké sabun dina cai anu ngocor. Ěta hal téh, nurutkeun Kapala Dines Satpol PP Kota Sukabumi, kacida pentingna dilaksanakeun ku para padagang jeung masarakat, pikeun nyingkahan jeung nyegah panyebaran Covid-19.

Leave a Reply