DPC HA IPB SUKABUMI MASRAHKEUN BANTUAN KA PAMARÉNTAH KOTA SUKABUMI

Reporter/Redaktur/Editor : ENDANG SUMARDI

DPC (Déwan Pangurus Cabang) HA IPB ((Himpunan Alumni Institut Pertanian Bogor) Sukabumi, masrahkeun bantuan ka Pamaréntah Kota Sukabumi, mangrupa 2 rébu masker, pikeun dibagikeun ka masarakat. Éta bantuan téh ditarima ku Wali Kota Sukabumi, H. Achmad Fahmi, sakaligus sabagé Ketua Gugus Tugas Percepatan Penanggulangan Covid-19 Kota Sukabumi, anyar-anyar ieu, di Rohangan Utama Balé Kota Sukabumi.

Salian ti masrahkeun bantuan masker ka Pamaréntah Kota Sukabumi, DPC HA IPB Sukabumi ogé enggeus jeung eukeur nyalurkeun bantuan pakét sembako, ka masarakat anu kadampak Covid-19.

Dina kasempetan éta, Wali Kota Sukabumi ngahaturkeun nuhun ka DPC HA IPB Sukabumi, anu geus masrahkeun bantuan masker ka Pamaréntah Kota Sukabumi, pikeun dibagikeun ka masarakat. Salajjuna ngajelaskeun, ieu bantuan téh sajalan jeung kawijakan Pamaréntah Kota Sukabumi jeung Forkopimda (Forum Komunikasi Pimpinan Daérah) Kota Sukabumi, nya éta ngawajibkeun sakumna masarakat nu asup ka wewengkon Kota Sukabumi maké masker, ti mimiti tanggal 1 Méi 2020. Lian ti éta ogé ngajelaskeun, diterapkeunnana éta kawijakan téh, sabagé sala sahiji upaya jeung tarékah pikeun nyegah jeung megatkeun mata ranté panyebaran Covid-19.

Wali Kota Sukabumi ngaharepkeun, bantuan anu dipasrahkeun jeung anu disalurkeun ku DPC HA IPB Sukabumi téh, bisa ditiru jeung dilaksanakeun ku nu séjénna. Lantaran kacida positif jeung gedé pisan mangpaatna, sarta bisa ngabantu masarakat anu kadampak Covid-19.

Leave a Reply