KOTA SUKABUMI SIAP NERAPKEUN TATANAN HIRUP ANYAR ATAWA NÉW NORMAL

Pamaréntah Provinsi Jawa Barat tatan-tatan pikeun nerapkeun tatanan hirup anyar atawa néw normal, dina bulan Juni ayeuna. Ěta hal téh sajalan jeung panandesan Persidén, Joko Widodo, sawatara poé kaliwat, dina tahap awaaya 4 provinsi, nya éta DKI Jakarta, Jawa Barat, Gorontalo jeung Sumatra Barat, anu baris nerapkeun tatanan atawa kahirupan anyar, nya éta kahirupan anu disaluyukeun jeung pandemi Covid–19.

Sajalan jeung éta hal, Gubernur Jawa Barat, Ridwan Kamil, ngajelaskeun Provinsi Jawa Barat baris nerapkeun éta tatanan atawa kahirupan anyar, nya éta ti tanggal 1 Juni 2020. Gubernur ogé ngajelaskeun, alesan baris dilaksanakeunnana kawijakan néw normal téh, sala sahijina lantaran angka réproduksi Virus Covid–19 di Jawa Barat aya dina angka 1,09, anu nurutkeun standar Organisasi Kaséhatan Dunia atawa WHO, éta angka téh nunjukkeun panyebaran virus bisa dikadalikeun.

Sedengkeun Wali Kota Sukabumi, H. Achmad Fahmi, ngajelaskeun yén Kota Sukabumi baris miluan kana éta kawijakan Pamaréntah Puseur jeung Provinsi, dina nerapkeun éta néw normal. Salajuna ngajelaskeun, Pamaréntah Kota Sukabumi masih nunggu juklak jeung juknis ngeunaan palaksanaan néw normal atawa tatanan éta kahirupan anyar.

Leave a Reply