WALIKOTA SUKABUMI NGISTRÉNAN 83 PAJABAT ĚSÉLON III JEUNG IV DI LINGKUNGAN PAMARÉNTAH KOTA SUKABUMI

Reporter : ENDANG SUMARDI

Walikota Sukabumi, H. Mohamad Muraz, S.H., M.M., nyumpah sakaligus ngistrénan 83 Pajabat Ěsélon III jeung IV di lingkungan Pamaréntah Kota Sukabumi, cindekna tanggal 5 Juli 2017, di Gedong Juang 45 Kota Sukabumi. Anapon ka 83 éta pajabat téh, diantarana Sekertaris DPMPTSP (Dines Pananeman Modal jeung Palayanan Terpadu Satu Pintu) Kota Sukabumi, Dodi Supriadi, S.Ag., M.M., Sekertaris BPKD (Badan Pangalolaan Kauangan Daérah) Kota Sukabumi, Yayat Hidayat, S.Ě., M.S.Ě., sarta Kapala Bagian Pangadaan Barjas (Barang jeung Jasa) Setda Kota Sukabumi, Dr. H. Fahrur razi, AMd.LLAJ., S.IP., M.Si.

Salajuna Sekertaris Dines Perhubungan Kota Sukabumi, Novian Restiadi, A.Md.LLAJ, S.IP., M.Si., Kapala Bidang LLA (Lalu Lintas jeung Angkutan) Dines Perhubungan Kota Sukabumi, H. Rd. Imran Wardhani, A.Md.LLAJ., S.IP., M.Si., Kapala Bidang Kasalametan Lalu Lintas jeung Kalengkepan Jalan Dines Perhubungan Kota Sukabumi, Dion Sanaha, S.T., Kapala Bidang Bina Marga Dines Perhubungan Kota Sukabumi, Suhéndar Syarief, S.T., M.Ěng., sarta Kapala Bidang Palayanan jeung Paijinan DPMPTSP Kota Sukabumi, Héndry Iman Hérmansyah, S.STP.

Saterusna Sekertaris Kacamatan Cikolé, Ratna Hérmayanti, S.STP., M.AP., Lurah Selabatu Kacamatan Cikolé, Asép Nurohmat, S.Ě., Lurah Cikundul Kacamatan Lembursitu, H. Agus Héryanto, S.H., M.M., Lurah Cipanengah Kacamatan Lembursitu, Yudhi Yuliadi, S.IP., jeung Lurah Babakan Kacamatan Cibeureum, Yanwar Ridwan, S.IP., sarta Kapala Séksi Pangalolaan Data Statistik Diskominfo (Dines Komunikasi jeung Informatika) Kota Sukabumi, Dicky Faizal Rahmat, S.IP., katut Kapala Séksi Desiminasi jeung Informasi Publik Diskominfo Kota Sukabumi, Dhéa Noor Kumala, S.H.

Dina biantarana, Walikota Sukabumi ngawilujengkeun salamet mancén gawé sarta sangkan salawasna usaha satékah polah ngahontal prestasi anu sahadé-hadéna ka éta para pajabat, sakaligus ngaharepkeun, supaya éta jabatan anu geus diamanahkeun téh, bisa ngaronjatkeun sumanget jeung motivasi, dina ngabdikeun diri ka pamaréntah jeung masarakat, demi ngawujudna kahirupan masarakat Kota Sukabumi anu leuwih hadé.

Tah kukituna, sakumna pajabat di lingkungan Pamaréntah Kota Sukabumi, kudu ngabogaan inisiatif sarta mampuh nyiptakeun rupa-rupa program anu inovatif, anu bisa jadi solusi atawa jalan kaluar anu hadé dina ngaréngsékeun rupa-rupa program jeung pasualan di masarakat, hususna di SKPD (Satuan Kerja Parangkat Daérah)-na masing-masing.

Salian ti éta, Walikota Sukabumi ogé ngajak ka sakumna pajabat jeung pagawé di lingkungan Pamaréntah Kota Sukabumi, pikeun salawasna diajar sakaligus neuleuman jeung paham kana Tupoksi (Tugas Poko jeung Fungsi) masing-masing, sarta paham kana rupa-rupa aturan jeung rundang-undang anu ditetepkeun. Anu teu éléh penting, ogé sangkan teu ngalaksanakeun katalédoran jeung kacorobohan dina satiap mancén gawé, komo deui anu nuju kana ngabentukna opini publik ngeunaan goréngna birokrasi pamaréntah.

Hadir dina kasempetan éta, Wakil Walikota Sukabumi, Pingpinan katut Anggota DPRD Kota Sukabumi, Kapala Setukpa Lemdiklat Polri Sukabumi, unsur Forkopimda (Forum Komunikasi Pimpinan Daérah) Kota Sukabumi, Sekertaris Daérah Kota Sukabumi, Ketua katut Wakil Ketua TP PKK sarta Ketua DWP (Dharma Wanita Persatuan) Kota Sukabumi, para Asistén Daérah katut Staf Ahli Walikota Sukabumi, para Kapala OPD (Organisasi Parangkat Daérah), para Camat jeung Lurah, para Inohong Agama jeung para tamu ondangan séjénna.