PAMARÉNTAH KOTA SUKABUMI MEUNANG LAYANG PANGAJÉN TI UI

Reporter : ENDANG SUMARDI

Pamaréntah Kota Sukabumi, meunang Layang Pangajén ti UI (Universitas Indonésia), sabab geus ilubiung jeung ngarojong kana palaksanaan Pilot Project Pangembangan Puseur Informasi Paijinan UKM LPĚM FĚB UI (Usaha Kecil Menengah Lembaga Panyalidikan Ěkonomi jeung Masarakat Fakultas Ěkonomi jeung Bisnis Universitas Indonésia), sarta jadi anu panghareupna dina ngawujudkeun transparansi informasi paijinan, ngaliwatan sinergi Paguron Luhur jeung Pamaréntah Daérah.

Ěta Layang Pangajén téh, dipasrahkeun langsung ku Réktor UI, Prof. Dr. Ir. Muhammad Anis, M.Mert., ka Walikota Sukabumi, H. Mohamad Muraz, S.H., M.M., dina acara gawé bareng Kementrian Koprasi jeung UKM RI katut UI, dina raraga ngawangun ayana béwara anu lengkep pikeun para Palaku Usaha Mikro jeung UKM di sakuliah wewengkon Indonésia, cindekna tanggal 14 Séptémber 2017, di Audit, Lanté 2, Kementrian Koprasi jeung UKM RI, Jalan Rasuna Said, Kavling 3 – 5, Setiabudi, Jakarta Selatan.

Ěta gawé bareng téh, dieusi ku Panandatanganan MoU (Mémorandum of Understanding) atawa Nota Kasaluyuan Gawé Bareng, ku Réktor UI, Prof. Dr. Ir. Muhammad Anis, M.Mert. katut Mentri Koprasi jeung UKM RI, AAGN (Anak Agung Gedé Ngurah) Puspayoga. Dina acara éta téh, dipintonkeun jeung dipraktékeun portal online anu ngagampangkeun para pangguna pikeun néangan béja jeung bérawa ngeunaan paijinan pikeun UKM, nya éta www.UKMIndonésia.org.

Walikota Sukabumi, H. Mohamad Muraz, S.H., M.M., dibarengan ku Kapala Diskop UKM-PP (Dines Koprasi, Usaha Kecil Menengah, Perdagangan jeung Perindustrian) Kota Sukabumi, Drs. Ayép Supriatna, M.M., ngajelaskeun ngarasa gumbira jeung sugema ku meunangna éta layang pangajén téh, sabab bisa jadi pecut pikeun Pamaréntah Kota Sukabumi katut OPD (Organisasi Parangkat Daérah) jeung lembaga nu aya kaitanana, hususna dina ngalaksanakeun usaha ngamajukeun jeung ngaronjatkeun sarta ngamekarkeun Usaha Mikro jeung UKM di Kota Sukabumi.

Anapon usaha anu dilaksanakeun anyar-anyar ieu di Kota Sukabumi, nya éta nyalagarakeun acara Kolaborasi Kagiatan Ědukasi Usaha Mikro jeung UKM, cindekna tanggal 13 Séptémber 2017, di Yogya Departmént Storé Kota Sukabumi, anu ngangkat téma UMKM Go Onliné Road to Oné Million, anu dicalagarakeun ku Diréktorat Pemberdayaan Informatika Ditjén (Diréktorat Jéndral) Aplikasi Télématika Kemenkominfo (Kementrian Komunikasi jeung Informatika) RI, gawé bareng jeung Diskominfo (Dines Komunikasi jeung Informatika) Kota Sukabumi. Ěta acara téh diiluan ku para palaku Usaha Mikro jeung UKM Kota Sukabumi katut Komunitas Kréatif Kota Sukabumi, sarta dieusi ku acara sosialisasi platform jual beuli online jeung shopee, anu pasilitatorna ti Kemenkominfo RI, hususna ngeunaan tata cara masarkeun produk sacara kréatif.