SAKUMNA INSTANSI PAMARÉNTAH, PAGURON LUHUR JEUNG SAKOLA, SANGKAN MASANG SPANDUK JEUNG BENDÉRA MÉRAH PUTIH

Reporter : ENDANG SUMARDI

Pamaréntah Kota Sukabumi cumeluk sakaligus nginstruksikeun ka sakumna Instansi Pamaréntah, TNI, Polri, BUMN jeung BUMD, SKPD (Satuan Kerja Parangkat Daérah), Kacamatan jeung Kelurahan, sarta Paguron Luhur jeung Sakola di Kota Sukabumi, sangkan masang Spanduk Pangéling-ngéling Poé Kasaktian Pancasila Taun 2017 bareng dina tanggal 29 Séptémber 2017 nepi ka tanggal 15 Oktober 2017, anu temana Kerja Bersama Berlandaskan Pancasila Mewujudkan Masyarakat Adil dan Makmur, sarta masang Bendéra Mérah Putih di satiap lingkungan Instansi, Paguron Luhur, Sakola  jeung di buruan-buruan imah padumuk, kalayan merhatikeun kasaluyuan antara tihang jeung bendéra, nya éta dina tanggal 30 Séptémber 2017 satengah tihang, jeung dina tanggal 1 Oktober 2017 satihang pinuh.

Lian ti éta, sakumna Instansi, Paguron Luhur jeung Sakola di Kota Sukabumi, sangkan ngalaksanakeun Upacara Pangéling-ngéling Poé Kasaktian Pancasila bareng dina poé Minggu, tanggal 1 Oktober 2017, anu dimimitian ti pukul 07.00 WIB nepi ka réngsé, kalayan Inspéktur Upacara atawa Pembina Upacarana Kapala Instansi, Réktor, Diréktur, Ketua atawa Pingpinan Kampus jeung Kapala Sakola masing-masing, sarta ngalaporkeun palaksanaan éta upacara salarnbat-lambatna dina poé Minggu tanggal 1 Oktober 2017 pukul 14.00 WIB, ka Panitia Tetep PHBN (Peringatan Hari Besar Nasional) Tingkat Kota Sukabumi ngaliwatan Bagian Humas jeung Protokol Setda Kota Sukabumi, pikeun dilaporkeun deui ka Panitia Pangéling-ngéling Poé Kasaktian Pancasila Tingkat Puseur.

Saterusna, ogé kudu miluan Upacara Pangéling-ngéling Poé Kasaktian Pancasila Taun 2017 Tingkat Kota Sukabumi, anu baris dilaksanakeun dina poé Minggu, tanggal 1 Oktober 2017, ti pukul 09.00 WIB nepi ka réngsé, di Jalan R. Syamsudin, S.H., cindekna di hareupeun Balé Kota Sukabumi.

Anapon susunan acara éta upacara téh, nya éta Inspéktur atawa Pembina Upacara asup ka tempat upacara, Inspéktur atawa Pembina Upacara nuju mirnbar upacara, Panghormatan Pasukan, Laporan Komandan atawa Pamingpin Upacara, Ngaheningkeun Cipta dipingpin ku Inspéktur atawa Pembina Upacara, Pamacaan Naskah Pancasila ku Inspéktur atawa Pembina Upacara, Pamacaan Naskah Pembukaan Undang-Undang Dasar 1945 ku Patugas Pamaca, Pamacaan Naskah jeung Pananda-tanganan Ikrar ku Inspéktur atawa Pembina Upacara, Pamacaan Doa, saupama aya Korsik (Korps Musik) Andhika Bhayangkari atawa Ngahaleuangkeun Lagu, Laporan Komandan atawa Pamingpin Upacara, Panghormatan Pasukan, Inspéktur atawa Pembina Upacara ninggalkeun tempat upacara, jeung acara panutup.

Sedengkeun dasar palaksanaan éta upacara téh, nya éta Undang-Undang Nagara RI Nomer 9 Taun 2010 ngeunaan Kaprotokolan, jeung Kaputusan Persidén RI Nomer 153 Taun 1967 ngeunaan Panetepan Tanggal 1 Oktober sabagé Pangéling-ngéling Poé Kasaktian Pancasila.