DIPIÉLINGNA POÉ PAHLAWAN TÉH DIDASARKEUN KANA KAJADIAN PERTEMPURAN 10 NOVÉMBER 1945 DI SURABAYA

Reporter : ENDANG SUMARDI

Sakumaha anu ditandeskeun ku Mentri Sosial RI, Khofifah Indar Parawansa, dipiélingna Poé Pahlawan téh, didasarkeun kana kajadian pertempuran pang hébatna dina riwayat sajarah dékolonisasi, nya éta kajadian Pertempuran 10 Novémber 1945 di Surabaya, sakaligus nembongkeun ka dunya internasional, nya éta sakumna rahayat Indonésia ti rupa-rupa ras, suku, agama, budaya jeung rupa-rupa bentuk partikularismeu golongan, samiuk sauyunan babarengan pikeun ngalaksanakeun ikrar, bagerak jeung masrahkeun hirupna katut jiwaragana, pikeun mertahankeun kamerdékaan Indonésia.

Lian ti éta ogé ditandeskeun, Bung Karno pernah nandeskeun, yén bangsa anu gedé téh nya éta bangsa anu ngahormat jasa pahlawanna. Ěta kalimat singget ti Bung Kamo téh ngabogaan harti anu kacida jerona pikeun sakumna bangsa Indonésia. Sabab tanpa pangorbanan jeung pajoangan para pahlawan katut perintis kamerdékaan, moal aya gagasan gedé pikeun ngadegkeun Nagara Républik Indonésia.

Panandesan Menteri Sosial RI éta téh, ditepikeun ku Wakil Walikota Sukabumi, H. Achmad Fahmi, S.Ag., M.M.Pd., salaku Inspéktur Upacara Miéling Poé Pahlawan Ka 72 Taun 2017 Tingkat Kota Sukabumi, poé Jumaah, 10 Novémber 2017, di Lapangan Merdéka Kota Sukabumi.

Ěta upacara téh dieusi ku Ngaheningkeun Cipta, Neken Tombol Sirineu, Pamacaan Naskah Pancasila, Pamacaan Naskah Pembukaan Undang-Undang Dasar 1945, jeung Pamacaan Pesen-Pesen Pahlawan. Anapon pamilon upacara, ngawengku Setukpa Lemdiklat Polri Sukabumi, Kodim 0607 Kota Sukabumi, Yonif 310 Kidang Kancana, Yon Arméd 13 Nanggala Kostrad, Puslatpur (Pusat Latihan Tempur) Marinir 6 Antralina Sukabumi, Polres Sukabumi Kota, Dinas Perhubungan, Satpol PP, Korpri jeung PGRI, sarta OKP, Mahasiswa, Palajar, PMR jeung Pramuka.

Hadir dina kasempetan éta, Kapala Setukpa Lemdiklat Polri Sukabumi, Pingpinan katut Anggota DPRD Kota Sukabumi, Unsur Forkopimda (Forum Komunikasi Pimpinan Daérah) Kota Sukabumi, Sekertaris Daérah Kota Sukabumi, Ketua katut Wakil Ketua TP PKK sarta Ketua DWP (Dharma Wanita Persatuan) Kota Sukabumi, para Asistén Daérah Setda Kota Sukabumi, para Kapala OPD (Organisasi Parangkat Daérah) jeung Instansi Vértikal, BUMN jeung BUMD, para Camat jeung Lurah, katut para Sesepuh, Perintis, Pajoang, Vetéran, Warakawuri, Wrédatama jeung Anggota Angkatan 45, sarta para Ketua Organisasi Kajoangan, Organisasi Wanoja, Organisasi Pamuda, Alim Ulama, Inohong Masarakat jeung para tamu ondangan lianna.