WALIKOTA SUKABUMI NARIMA LAYANG PANGAJÉN ANUGRAH PANDU NEGRI TAUN 2017

Reporter : ENDANG SUMARDI

Salian ti meunang layang pangajén pang luhurna ti Persidén RI, nya éta Anugrah Tanda Kahormatan Satyalancana Karya Bhakti Praja Nugraha Taun 2017, Walikota Sukabumi, H. Mohamad Muraz, S.H., M.M., ogé narima layang pangajén Anugrah Pandu Negri Taun 2017. Anapon layang pangajén pang luhurna ti Persidén RI téh, diseumatkeun sacara langsung ku Mendagri (Mentri Dalem Negri) RI, Tjahjo Kumolo, dina ranggeuyan kagiatan Pangéling-ngéling Poé Pahlawan Taun 2017, cindekna tanggal 10 Novémber 2017, pukul 08.00 WIB, di Kantor Kemendagri (Kementrian Dalem Negri) Jakarta, babarengan jeung para Bupati katut Walikota séjénna sa Indonésia, anu meunang éta layang pangajén.

Sedengkeun layang pangajén Anugrah Pandu Negri Taun 2017, dipassrahkeun ku IIPG (Indonésia Institute for Publik Govermance), dina poé jeung tanggal anu sarua, pukul 18.30 WIB, di Financial Hall, Financial Club, Graha CIMB Naga Lantai 2 Jakarta, lantaran Walikota Sukabumi diajén sabagé pamingpin anu inovatif jeung hasil ngalaksanakeun torobosan, hususna dina usaha ngaronjatkeun tumuwuhna sosial ékonomi, ngaliwatan réformasi tata kalola.

PLT (Palaksana Tugas) Kapala Bagian Humas (Hubungan Masarakat) jeung Protokol Setda Kota Sukabumi, Bénny Mustari, S.Pd., S.IP., M.Si. ngajelaskeun, éta layang pangajén téh dipasrahkeun ka Pamaréntah Propinsi, Pamaréntah Kabupatén jeung Kota pang hadéna, sarta ka pamingpin anu inovatif jeung geus hasil ngalaksanakeun torobosan dina usaha ngaronjatkeun tumuwuhna sosial ékonomi, ngaliwatan réformasi tata kalola.

Anapon pangajénan pikeun meunang layang pangajén Anugrah Pandu Negri Taun 2017 téh, dilaksanakeun ka 34 Pamaréntah Propinsi, 416 Pamaréntah Kabupatén jeung 99 Pamaréntah Kota sa Indonésia, kalayan kritéria pangajénana ngawengku ti aspék tata kalola kauangan, tata kalola pamaréntahan, kinerja pangembangan manusa, kinerja ékonomi, inovasi strategik jeung pingpinan anu inovatif. Tina hasil éta pangajénan téh, aya 50 nominasi Pamaréntah Propinsi, Pamaréntah Kabupatén jeung Kota pang hadéna, sarta pikeun pingpinan anu inovatif, sala sahijina nya éta Walikota Sukabumi.

Salajuna dijelaskeun, pangajénan pikeun meunang éta layang pangajén téh, dilaksanakeun ku 7 urang pangajén, 6 urang pangarah jeung 5 urang juri, anu ngawengku ti Anggota Déwan Ěkonomi Nasional Indonésia, Prof. Dr. Djisman Simanjuntak, Anggota Panitia Kerja RUU Térorismeu Pamaréntah jeung DPR, Prof. Dr. Harkristuti Harkrisnowo, S.H., L.L.M., M.A., Profésor Fakultas Ěkonomi jeung Bisnis Universitas Indonésia, Prof. Dr. Sidharta Utama, Ph.D,CA,CFA., Pangacara jeung Ahli Hukum sakaligus mantén Komisionér KPK (Komisi Pemberantasan Korupsi), Chandra M. Hamzah, S.H., sarta Business Director of Tempo.co. PT Info Media Digital jeung Ěconomics Ěditor and Héad of Business Development Division Témpo Media Group, Yostinus Tomi Aryanto.