WALI KOTA SUKABUMI GEUS NYUMPAH JEUNG NGISTRĚNAN 98 URANG PAJABAT ĚSĚLON III JEUNG IV

Reporter : ENDANG SUMARDI

Wali Kota Sukabumi, H. Mohamad Muraz, S.H., M.M., geus nyumpah jeung ngistrěnan 98 urang Pajabat Ěsělon III jeung IV di lingkungan Pamaréntah Kota Sukabumi, cindekna tanggal 27 Pébruari 2017, di Gedong Juang 45 Kota Sukabumi. Diantarana 5 urang Dokter Utama RSUD (Rumah Sakit Umum Daérah) R. Syamsudin, S.H. Kota Sukabumi, Wakil Diréktur Palayanan Médik jeung Kaparawatan RSUD R. Syamsudin, S.H. Kota Sukabumi, drg. Rina Héstiana, MMRS., katut Sekertaris Diskominfo (Dines Komunikasi jeung Informatika) Kota Sukabumi, Drs. H. Didin Syarifudin, M.Si.

Salajuna 11 urang Kapala Widang jeung 4 urang Lurah, anu ngawengku Lurah Citamiang, Asép Sobaryaman, S.H., Lurah Baros, Achmad Saripudin, S.IP., Lurah Lembursitu, Saépulloh, S.Pd., jeung Lurah Sindangsari, Firman Taufik, S.STP., sarta 4 urang Sekertaris Kalurahan, nya éta Sekertaris Kalurahan Cisarua, Nurkamil Fitri, Sekertaris Kalurahan Sukakarya, Suhérman, Sekertaris Kalurahan Kebonjati, Dédén Rukmana, jeung Sekertaris Kalurahan Situmekar, Léni Salamawati, S.IP.

Saterusna 60 urang Kasi jeung Kasubbag sarta 8 urang Kapala SD Negri jeung 4 urang Kapala SMP Negri. Diantarana Kasi Infrastruktur TIK (Téhnologi Informasi jeung Komunikasi) Diskominfo Kota Sukabumi, Gian Purnama, S.T., Kasubbag Protokol Bagian Humas jeung Protokol Setda Kota Sukabumi, Hj. R. Rani Sétiani, S.Ě., Kasubbag Humas jeung Protokol Sekertariat DPRD Kota Sukabumi, Prasétya Bina Sakti Ukurta Surbhakti, S.H., Kasubbag Pasidangan jeung Risalah  Sekertariat DPRD Kota Sukabumi, Suhérman, S.IP., jeung Kasubbag Umum Sekertariat DPRD Kota Sukabumi, Moch. Taufiq Zaéland, S.Sos.

Hadir dina kasempetan éta, Pingpinan katut Anggota DPRD Kota Sukabumi, unsur FKPD (Forum Koordinasi Pingpinan Daérah) Kota Sukabumi, Ketua TP PKK Kota Sukabumi katut DWP (Dharma Wanita Pasatuan) Kota Sukabumi, PLT (Palaksana Tugas) Sekertaris Daérah Kota Sukabumi, para Kapala OPD (Organisasi Parangkat Daérah), para Camat jeung Lurah, sarta para tamu ondangan lianna.

Dina biantarana Wali Kota Sukabumi ngajelaskeun, dilaksanakeunnana panyumpahan jeung pangistrénan ka 98 urang Pajabat Ěsélon III jeung IV di lingkungan Pamaréntah Kota Sukabumi téh, luyu jeung surat ijin tinulis ti Kemendagri (Kementrian Dalem Negri) RI Nomer : 821/1028/OTDA ngeunaan Panyatujuan Mutasi Pajabat Adminitrator Pangawas jeung Pajabat Fungsional Tinangtu di lingkungan Pamaréntah Kota Sukabumi, lantaran dilaksanakeun dina mangsa prosés tahapan Pilkada (Pamilihan Kapala Daérah) Bareng Taun 2018, nya éta Pilkada Gubernur katut Wakil Gubernur Jawa Barat sarta Pilkada Wali Kota katut Wakil Wali Kota Sukabumi Periodeu Taun 2018-2023.

Salian ti éta, Wali Kota Sukabumi kalayan asmana pribadi katut Kapala Daérah sarta Pamaréntah Kota Sukabumi, nmgawilujengkeun salamet ka 98 urang Pajabat Ěsélon III jeung IV di lingkungan Pamaréntah Kota Sukabumi anu geus disumpah jeung diistrénan sacara resmi, sakaligus ngaharepkeun, sangkan Nu Maha Kawasa salawasna ngagolontorkeun hikmah jeung kakuatan sarta pituduh, malah mandar ka 98 urang éta pajabat téh bisa ngajalankeun tugas jeung pangabdiannana, hususna dina widang pamaréntahan, pangwangunan jeung palayanan ka sakumna lapisan warga masarakat dina sagala widang sacara hadé jeung amanah.