MUSRENBANG RKPD KOTA SUKABUMI TAUN ANGGARAN 2019

Reporter : ENDANG SUMARDI

Pamaréntah Kota Sukabumi ngaliwatan Bappeda (Badan Parancanaan Pangwangunan Daérah) Kota Sukabumi, geus nyalagarakeun Musrenbang (Musawarah Parancanaan Pangwangunan) RKPD (Rancana Kerja Pamaréntah Daérah) Kota Sukabumi Taun Anggaran 2019. Ěta kagiatan anu lumangsung tanggal 13 Maret 2018, di Gedong Juang 45 Kota Sukabumi téh, dibuka sacara resmi ku Wali Kota Sukabumi, H. Mohamad Muraz, S.H., M.M.

Hadir dina kasempetan éta, Pingpinan katut Anggota DPRD Kota Sukabumi, unsur FKPD (Forum Koordinasi Pingpinan Daérah) Kota Sukabumi, pawakilan ti Bappeda Propinsi Jawa Barat katut BKPP (Badan Koordinasi Pamaréntahan jeung Pangwangunan) Wilayah I Propinsi Jawa Barat, PLT (Palaksana Tugas) Sekertaris Daérah Kota Sukabumi, katut para Asistén Daérah Setda Kota Sukabumi. Salajuna para Kapala SKPD (Satuan Kerja Parangkat Daérah), para Camat jeung Lurah, para Diréktur BUMN jeung BUMD sarta Badan Usaha Swasta. Saterusna para unsur Pingpinan Paguron Luhur, Pingpinan Lembaga, Organisasi, LPM (Lembaga Pangbadayaan Masarakat), BKM (Badan Kaswadayaan Masarakat), para pamilon Musrenbang utusan Kacamatan sa Kota Sukabumi, pawakilan mahasiswa jeung palajar, sarta para tamu ondangan séjénna.

Dina biantarana, Walikota Sukabumi, H. Mohamad Muraz, S.H., M.M., ngawilujengkeun sumping sakaligus ngahaturkeun nuhun ka sakumna pihak, anu kersa rurumpaheun hadir pikeun miluan Musrenbang RKPD Kota Sukabumi Taun Anggaran 2019 ieu. Anapon maksud jeung tujuan dilaksanakeunnana ieu Musrenbang téh, nya éta pikeun nyalagarakeun inventarisasi kamandang jeung usulan ti sakumna pihak, boh ti warga masarakat jeung komunitas boh ti unsur pamaréntahan katut dunia usaha jeung akademisi, hususna nu aya kaitannana jeung kaayaan, pamasalahan, poténsi jeung arah parancanaan pangwangunan Kota Sukabumi. Salian ti éta, ogé pikeun nyaruakeun persépsi sarta rojongan jeung komitmen ti sakumna pihak katut stake holders, dina palaksanaan pangwangunan di Kota Sukabumi.

Dina kasempetan éta, Walikota Sukabumi dibarengan ku Pingpinan DPRD Kota Sukabumi, unsur FKPD Kota Sukabumi katut PLT Sekertaris Daérah Kota Sukabumi, masrahkeun hadiah ka para Panyalagara Pang Hadéna Musrenbang Taun Anggaran 2019 di Kota Sukabumi. Diantarana pikeun SKPD nya éta DLH (Dines Lingkungan Hirup) Kota Sukabumi jeung BPBD (Badan Pananggulangan Bencana Daérah) Kota Sukabumi, pikeun Kacamatan nya éta Kacamatan Citamiang jeung Kacamatan Gunungpuyuh, sarta pikeun Kalurahan nya éta Kalurahan Warudoyong jeung Kalurahan Cikolé.

Lian ti éta, Walikota Sukabumi katut Kapala DPU-PRP-KPP (Dines Pekerjaan Umum, Panataan Rohang, Paimahan, Kawasan Pamukiman jeung Patanahan) Kota Sukabumi, Dr. Ir. H. Asép Irawan, M.Sc., Wakil Diréktur PD BPR Pasar Kota Sukabumi, Anton Kurnia Permana, S.Si., Camat Citamiang, Fitrya Kusnaningsih, S.STP., Ketua LPM Kota Sukabumi, H. Charly Dahlan, S.IP., S.Hi., Ketua PGRI Kota Sukabumi, Dudung Nurullah Koswara, S.Pd., M.Pd., Diréktur IMWI, Dr. Rian Kurniawan, jeung pawakilan ti DWP (Dharma Wanita Pasatuan) Kota Sukabumi, Hj. Néndén Rudi Djuansyah, nandatangan Berita Acara Hasil Musrenbang RKPD Kota Sukabumi Taun Anggaran 2019.