POÉ MINGGU TANGGAL 1 APRIL 2018 KOTA SUKABUMI PANCEG UMUR 104 TAUN

Reporter / Redaktur : ENDANG SUMARDI

Poé Minggu tanggal 1 April 2018, Kota Sukabumi panceg umur 104 taun, diitung ti saprak dibentuk jeung diadegkeunnana Gemeente Sukabumi tanggal 1 April 1914 nu geus kalarung. Tah ku lantaran kitu, Pamaréntah Kota Sukabumi dina poé éta téh ngalaksanakeun upacara, dina raraga miéling jeung milang kala Poé Jadi Ka 104 Taun Kota Sukabumi, ti tabuh 07.30 WIB nepi ka réngsé.

Anapon nu jadi Inspéktur Upacara, nya éta Gubernur Jawa Barat, Dr. H. Ahmad Héryawan, Lc., M.Si., Perwira Upacara Pasi Pers Kodim 0607 Kota Sukabumi, Kaptén Arméd Abdurohim, Komandan Upacara, Kasdim (Kapala Staf Kodim) 0607 Kota Sukabumi, Mayor CHB Rahman Hoérulloh, nu Mawa Lambang jeung Bendéra Pamaréntah Kota Sukabumi Reugreug Pageuh Répéh Rapih, Satpol PP (Satuan Polisi Pamong Praja) Kota Sukabumi, nu Maca Naskah Pancasila, Akbar Fauzi, nu Maca Naskah Pangbukaan Undang-Undang Dasar 1945, Vonny Astriandra, Satuan Musik, Marching Band Gema Swara Korpri Kota Sukabumi, sarta Paduan Soara, Mérah Putih Dines Pendidikan jeung Kabudayaan Kota Sukabumi.

Sedengkan pamilon upacara, ngawengku Setukpa Lemdiklat Polri Sukabumi, Kodim 0607 Kota Sukabumi, Yonif 310 Kidang Kancana, Yon Arméd 13 Nanggala Kostrad, Polres Sukabumi Kota, Dines Pahubungan Kota Sukabumi, Satpol PP Kota Sukabumi, Gabungan Korpri Kota Sukabumi, PGRI Kota Sukabumi, BPJS Kesehatan Perwakilan Sukabumi, Kader Poyandu, KNPI Kota Sukabumi, OKP, Mahasiswa jeung Palajar, sarta Pramuka jeung PMR.

Saterusna para tamu ondangan dina éta upacara téh, nya éta para pangagung ti Pamaréntah Propinsi Jawa Barat katut BKPP (Badan Koordinasi Pamaréntahan jeung Pangwangunan) Wilayah I Propinsi Jawa Barat, sarta ti Pamaréntah Kota jeung Kabupatén sa Jawa Barat. Salajuna Kapala Setukpa Lemdiklat Polri Sukabumi, Pingpinan katut Anggota DPRD Kota Sukabumi jeung Kabupatén Sukabumi, unsur FKPD (Forum Koordinasi Pingpinan Daérah) Kota Sukabumi jeung Kabupatén Sukabumi, Ketua TP PKK Kota Sukabumi, Ketua DWP Kota Sukabumi, para Asistén Daérah Setda Kota Sukabumi, para Kapala OPD (Organisasi Parangkat Daérah) jeung Instansi Vértikal, para Pingpinan BUMN jeung BUMD para Camat jeung Lurah. Lian ti éta, ogé para mantén Wali Kota katut Wakil Wali Kota Sukabumi, para Inohong Pajoang, Alim Ulama, Inohong Masarakat, Pingpinan Organisasi Sosial, Pulitik, Kamasarakatan, Pamuda jeung Wanoja, sarta para tamu ondangan lianna, maké raksukan adat Sunda, nya éta lalaki maké Iket, Baju Kamprét jeung Calana Pangsi, sarta wanoja maké Baju Kabaya jeung Samping Kebat.

Saréngséna upacara, beurangna diteruskeun Rapat Paripurna Istiméwa DPRD Kota Sukabumi, dina raraga miéling tepung taun Poé Jadi Ka 104 Kota Sukabumi, di Rohangan Rapat Paripurna DPRD Kota Sukabumi, ti tabuh 13.30 WIB nepi ka réngsé, sarta peutingna dilaksanakeun Silaturahmi jeung Tasyakur Bi Nimat, di Gedong Juang 45 Kota Sukabumi, ti tabuh 19.30 WIB nepi ka réngsé.