PANJABAT WALI KOTA SUKABUMI MASRAHKEUN LAYANG PANGAJÉN KA KAPALA DISKOMINFO

Reporter / Redaktur : ENDANG SUMARDI

Panjabat Wali Kota Sukabumi, Drs. H. Dady Iskandar, M.M., masrahkeun Layang Pangajén Pang Hadéna Tingkat Nasional, nya éta juara kadua kategori Smart Governance ti CityAsia, Inc., ka Kapala Diskominfo (Dines Komunikasi jeung Informatika) Kota Sukabumi, Drs. H. Gabril Sukarman, M.Pd., sarta Puskesmas Sukabumi anu ngabogaan inovasi palayanan publik 11 terbesar Tingkat Propinsi Jawa Barat, ka Kapala Dines Kaséhatan Kota Sukabumi, dr. Hj. Ritanénny Ědlien Silyéna Mirah. Ěta Layang Pangajén téh dipasrahkeun dina Upacara Bendéra Miéling Harkitnas (Hari Kebangkitan Nasional) Ka 110 Taun 2018 Tingkat Kota Sukabumi, cindekna tanggal 21 Méi 2018, di Buruan Apél Setda Kota Sukabumi.

Hadir dina éta kasempatan, Pingpinan katut Anggota DPRD Kota Sukabumi, unsur FKPD (Forum Komunikasi Pingpinan Daérah) Kota Sukabumi, Panjabat Sekda (Sekertaris Daérah) Kota Sukabumi, Ketua katut jajaran Pangurus TP PKK sarta DWP (Dharma Wanita Pasatuan) Kota Sukabumi, para Asistén Daérah Setda Kota Sukabumi, para Kapala OPD (Organisasi Parangkat Daérah) jeung Instansi Vértikal, para Camat jeung Lurah, para Alim Ulama, para Sesepuh jeung Inohong Masarakat, para Pingpinan Organisasi Sosial, Kamasarakatan, Pamuda jeung Wanoja, sarta para tamu ondangan séjénna.

Dina kasempetan éta, Panjabat Wali Kota Sukabumi nepikeun biantara Mentri Komunikasi jeung Informatika RI, diantarana ngajelaskeun, dina mangsa rahayat ngabogaan inisitif pikeun bajoang keur ngahontal kamerdékaan ku cara ngabentuk rupa-rupa pakumpulan leuwih ti saabad anu kalarung, bangsa Indonésia ampir teu ngabogaan naon-naon, lian ti saukur ngabogaan sumanget dina jiwa jeung kasiapan narohkeun nyawa.

Ngan sajarah saterusna ngabuktikeun, yén ku sumanget jeung komitmen éta gé geus cukup, asal bangsa Indonésia samiuk sauyunan jeung sabilulungan dina cita-cita anu sarua, nya éta kamerdékaan bangsa. Salajuna dijelaskeun, samiuk sauyunan jeung sabilulungan téh nya éta kata konci dina mangsa sajumlah jalma hayang ngahontal cita-cita anu kacida mulyana, ngan dina mangsa anu sarua tangtangan anu kacida kuatna ngahalangan di hareup.

Lian ti éta ogé dijelaskeun, Boédi Oétomo méré conto cara ngumpul jeung cara ngajalankeun organisasi tanpa nempo asal-muasal primordial, anu pamustungannana bisa ngadorong kana tumuwuhna sumangat nasionalismeu anu jadi bahan bakar utama kamerdékaan. Saterusna dijelaskeun, Boédi Oétomo jadi sala sahiji pananda utama, yén bangsa Indonésia pikeun anu munggaran sadar kana pentingna pasatuan jeung kasatuan.

Leuwih jauh dijelaskeun, Persidén Munggaran sakaligus Proklamator Kamerdékaan RI, Soékarno dina Miéling Harkitnas Taun 1952 ngajelaskeun, yén dina poé ieu urang ngamimitian asup kana hiji cara anyar pikeun ngalaksanakeun hiji ideu jeung hiji naluri poko bangsa Indonésia. Nya éta naluri poko hayang merdéka, sarta naluri poko hayang hirup anu ngabogaan harkat sabagé manusa jeung sabagé bangsa, Disagédéngeun ti éta ogé ditandeskeun, cara anyar éta téh nya éta cara ngudag sala sahiji maksud ku alat organisasi pulitik, cara bajoang ku pasarikatan jeung pahimpunan pulitik, sarta cara bajoang ku tanaga pasatuan.