UPACARA MIĚLING POÉ LAHIR PANCASILA TAUN 2018 TINGKAT KOTA SUKABUMI

Reporter :  ARIF HIDAYAT

Redaktur : ENDANG SUMARDI

Upacara Miéling Poé Lahir Pancasila Taun 2018 Tingkat Kota Sukabumi, dipuseurkeun di Buruan Apél  Setda Kota Sukabumi, cindekna poé Jumaah isuk, 1 Juni 2018. Anapon nu jadi Inspéktur Upacara, Panjabat Wali Kota Sukabumi, Drs. H. Dady Iskandar, M.M., nu Maca Naskah Pancasila Ketua DPRD Kota Sukabumi, Yunus Suhandi, S.IP., nu Maca Naskah Pembukaan Undang-Undang Dasar 1945, Muhamad Haékal, nu Ngibarkeun Bandéra Mérah Putih, Ahmad Noval, Bagus Wiratama jeung Réyfaldi Antonio, nu Maca Doa ti Kantor Kemenag (Kementrian Agama) Kota Sukabumi, sarta Satuan Musik ti Bagian Perlengkapan jeung Rumah Jabatan Setda Kota Sukabumi.

Sedengkeun pamilon upacara, ngawengku Setukpa Lemdiklat Polri Sukabumi, Kodim 0607 Kota Sukabumi, Yonif 310 Kidang Kancana, Yon Arméd 13 Nanggala Kostrad, Polres Sukabumi Kota, Dinas Pahubungan Kota Sukabumi, Sat Pol PP (Satuan Polisi Pamong Praja) Kota Sukabumi, Kopri, OKP (Organisasi Kapamudaan), KNPI jeung PGRI, sarta Mahasiswa, para Palajar jeung Pramuka.

Hadir dina kasempetan éta, Pingpinan katut Anggota DPRD Kota Sukabumi, Unsur FKPD (Forum Komunikasi Pingpinan Daérah) Kota Sukabumi, Panjabat Sekda (Sekertaris Daérah) Kota Sukabumi, Ketua TP PKK katut DWP (Dharma Wanita Pasatuan) Kota Sukabumi, para Asistén Daérah Setda Kota Sukabumi,  para Kapala OPD (Organisasi Parangkat Daérah) katut Instansi Vertikal, Pingpinan BUMN jeung BUMD, para Camat jeung Lurah, sarta para tamu ondangan lianan.

Panjabat Wali Kota Sukabumi dina kasempetan éta nepikeun biantara Persidén RI, diantarana nandeskeun, yén Pancasila téh ngarupakan hasil tina hiji kasatuaan proses, anu di mimitian ku Rumusan Pancasila tanggal 1 Juni 1945, sarta dibiantarakeun ku Ir. Soekarno, Piagam Jakarta tanggal 22 Juni 1945 jeung Rumusan Final Pancasila tanggal 18 Agustus 1945.

Tah éta téh ngarupakeun jiwa besar para founding father, para ulama jeung pajoang kamerdékaan ti sakuliah Nusantara, anu pamustungannana bangsa Indonésia bisa ngawangun kasatuan bangsa, nya éta ngahijikeun bangsa Indonésia jeung komitmen pamaréntah pikeun nguatan Pancasila geus jelas jeung kacida kuatna Pangamalan Pancasila dina kahirupan sapopoé, sarta kaintegrasi jeung program pangwangunan. Tah ku lantaran kitu, sakumna bangsa Indonésia kudu bisa ngajadikeun bangsa Indonésia anu adil, mamur jeung ngabogaan martabat di mata Internasional.

Dina kasempetan éta, Panjabat Wali Kota Sukabumi masrahkeun Dokumén jeung Adminduk (Administrasi Kapadumukan), anu ngawengku KTP-él (Kartuh Tanda Padumuk éléktronik), KK (Kartuh Kulawarga), Akta Kalahiran jeung Akta Kamatian, sacara simbolis ka sajumlah pawakilan warga masarakat Kota Sukabumi, ngaliwatan Program Si Jempol (Siap Jemput Bola) Palayanan Dokumén jeung Adminduk Disdukcapil (Dines Kapadumukan jeung Panyatetan Sipil) Kota Sukabumi.