PANJABAT WALI KOTA SUKABUMI NÉKEN PAJANGJIAN GAWÉ BARENG NGEUNAAN PANGALOLAAN INFRASTRUKTUR SANITASI

Reporter / Redaktur : ENDANG SUMARDI

Panjabat Wali Kota Sukabumi, Drs. H. Dady Iskandar, M.M. katut para Bupati jeung Wali Kota séjénna, néken Pajangjian Gawé Bareng Ngeunaan Pangalolaan Infrastruktur Sanitasi jeung TPS 3R anu ngabogaan basis masarakat, jeung Diréktur PPLP (Pangembangan Panyéhatan Lingkungan Pamukiman) Ditjén (Diréktorat Jéndral) Cipta Karya Kamentrian PUPR (Pekerjaan Umum jeung Paimahan Rahayat) RI, Ir. Dodi Krispratmadi, M.Ěnv.Ě., cindekna tanggal 17 juli 2018, di Hotél Sanur Paradise Dénpasar Bali.

Panjabat Wali Kota Sukabumi ngajelaskeun, Sanitasi anu ngabogaan basis masarakat téh mangrupa infrastruktur cai limbah komunal, anu sasarannana MBR (Masarakat Berpengasilan Rendah). Sedengkeun TPS 3R mah mangrupa infrastruktur pikeun ngurangan jeung ngadaur ulang runtah. Tah ku lantaran kitu, Diréktur PPLP Ditjén Cipta Karya Kamentrian PUPR RI, ngalaksanakeun gawé bareng jeung Pamaréntah Kabupatén jeung Kota, dina raraga usaha ngajaga komitmen jeung tanggung jawab hususna dina Pangalolaan Infrastruktur Sanitasi jeung TPS 3R anu ngabogaan basis masarakat sahadé-hadéna.

Panjabat Wali Kota Sukabumi ngaharepkeun, ku dilaksanakeunnana néken éta pajangjian gawé bareng téh, bisa ngahangkeutkeun pangwangunan Infrastruktur Sanitasi jeung TPS 3R anu ngabogaan basis masarakat hususna di Kota Sukabumi. Ngan parandéné kitu, ngawujudna pangwangunan Infrastruktur Sanitasi jeung TPS 3R anu ngabogaan basis masarakat sacara hadé téh, lain ngarupakeun pancén jeung tanggung jawab Pamaréntah Puseur hususna Diréktur PPLP Ditjén Cipta Karya Kamentrian PUPR RI sarta Pamaréntah Kabupatén jeung Kota wungkul, tapi ngarupakeun pancén jeung tanggung jawab sakumna pihak, nya éta Pamaréntah Puseur, Pamaréntah Kabupatén jeung Kota katut sakumna lapisan masarakat.

Salajuna diharepkeun, pangwangunan Infrastruktur Sanitasi jeung TPS 3R anu ngabogaan basis masarakat ieu téh, bisa ngaronjatkeun PHBS (Prilaku Hirup Bersih jeung Séhat) masarakat hususna di Kota Sukabumi. Hal ieu téh luyu jeung Visi Pangwangunan Kota Sukabumi Taun 2005-2025, nya éta Ngawujudna Kota Sukabumi Sabagé Puseur Palayanan anu Hadé dina Widang Atikan, Kaséhatan jeung Padagangan di Jawa Barat, anu didadasaran ku Iman jeung Taqwa.

Panjabat Wali Kota Sukabumi ngajelaskeun, dilaksanakeunnana néken Pajangjian Gawé Bareng Ngeunaan Pangalolaan Infrastruktur Sanitasi jeung TPS 3R anu ngabogaan basis masarakat jeung Diréktur PPLP Ditjén Cipta Karya Kamentrian PUPR RI ieu téh, lantaran Pamaréntah Kota Sukabumi salawasna ngabogaan komitmen jeung usaha satékah polah merhatikeun masarakat, hususna ngeunaan Infrastruktur Sanitasi jeung TPS 3R anu ngabogaan basis masarakat.

Leave a Reply