KPU KOTA SUKABUMI NETEPKEUN PASLON PINILIH WALI KOTA KATUT WAKIL WALI KOTA SUKABUMI PARIODEU TAUN 2018-2023

Reporter :  ARIF HIDAYAT

Redaktur : ENDANG SUMARDI

KPU (Komisi Pamilihan Umum) Kota Sukabumi, netepkeun Paslon (Pasangan Calon) Pinilih Wali Kota katut Wakil Wali Kota Sukabumi Pariodeu Taun 2018-2023, dina Rapat Pléno Nembrak anu dipingpin ku Ketua KPU Kota Sukabumi, Hamzah, S.Ag., cindekna tanggal 26 Juli 2018, di Rohangan Pasamoan KPU Kota Sukabumi, sarta lumangsung lancar jeung aman.

Hadir dina kasempetan éta, Unsur FKPD (Forum Komunikasi Pingpinan Daérah) Kota Sukabumi, para Kapala SKPD (Satuan Kerja Parangkat Daérah) jeung instansi nu aya kaitannana, KPU Propinsi Jawa Barat, PPK (Panitia Pamilihan Kacamatan) jeung PPS (Panitia Pamulutan Soara), Bawaslu (Badan Pangawas Pamilu), Panwaslu (Panitia Pangawas Pamilu), Panwascam (Panitia Pangawas Kacamatan) jeung PPL (Panitia Pangawas Lapangan), sarta para tamu ondangan lianna.

Dina kasempetan éta, Ketua KPU Kota Sukabumi ngajelaskeun, rupa-rupa hal nu aya kaitannana jeung Prosés Panetepan Paslon Pinilih Wali Kota katut Wakil Wali Kota Sukabumi Pariodeu Taun 2018-2023 ieu téh, nya éta Undang-Undang Nomer 10 Taun 2016 Ngeunaan Parobahan Undang-Undang Nomer 1 Taun 2015 Ngeunaasn Panetepan Kadua Pangganti Undang-Undang Nomer 1 Taun 2014 Ngeunaan Pamilihan Gubernur katut Wakil Gubernur, Bupati katut Wakil Bupati, sarta Wali Kota katut Wakil Wali Kota.

Salian ti éta, ogé Undang-Undang Nomer 7 Taun  2017  Ngeunaan Pamilu (Pamilihan Umum), PKPU (Paraturan Komisi Pamilihan Umum) Nomer 9 Taun 2018 Ngeunaan Rékaputilasi Pamilu jeung Panetepan Hasil Pamulutan Soara, sarta Surat Panitra MK (Mahkamah Konstitusi) Nomer 14 Taun 2018, jeung Surat Ědaran KPU Nomer 739 Taun 2018.

Salajuna dijelaskeun, dumasar kana SK (Surat Kaputusan) KPU Kota Sukabumi Nomer 43 Modél DB 1 KWK mutuskeun, yén Paslon Nomer Urut 1 Ijabah (Insya Alloh Jona Arizona katut Hanafie Zain Barokah) meunang soara réana 38.200 soara, Paslon Nomer Urut 2 Faham (Achmad Fahmi katut Andri Setiawan Hamami) meunang soara réana 84.245 soara, Paslon Nomer Urut 3 Mulia (Mulyono katut Ima Slamet) meunang soara réana 29.249 soara, sarta Paslon Nomer Urut 4 Dermawan (Dédi R. Wijaya katut Hikmat Nuristawan) meunang soara réana 12.589 soara, tina total soara sah réana 164.283 soara.

Disagédéngeun ti éta, dumasar kana DB 1 anu geus ditéken jeung dilaksanakeun pléno ku KPU Kota Sukabumi sarta dihadiran jeung ditéken ku saksi, Ketua KPU Kota Sukabumi mutuskeun, yén Paslon Nomer Urut 2 Faham (Achmad Fahmi katut Andri Setiawan Hamami), sabagé pinilih Pilkada Wali Kota katut Wakil Wali Kota Sukabumi Pariodeu Taun 2018-2013.

Leave a Reply